புழல்: இன்ஸ்டாகிராமில் பழகிய ஈரோடு சிறுமியை கர்ப்பமாக்கிய சென்னை வாலிபர் மீது போலீசார் போக்சோ வழக்கு பதிவு செய்துள்ளனர். ஈரோட்டை சேர்ந்த 17 வயது சிறுமி, இன்ஸ்டாகிராமில் ரீல்ஸ் போட்டு வந்தார். இதன்மூலம் சென்னையை சேர்ந்த ஒரு வாலிபர், சிறுமியிடம் இன்ஸ்டாகிராமில் பேசி, பழகியுள்ளார். இதையடுத்து சிறுமியை தனிமையில் சந்தித்துள்ளார். கடந்த சில தினங்களாக சிறுமியின் நடவடிக்கையில் மாற்றமும், உடல் நலக்குறைவு ஏற்பட்டது. இதையறிந்த சிறுமியின் பெற்றோர், அவரை மருத்துவமனை சிகிச்சைக்கு அழைத்து சென்றபோது, அவர் 3 மாதம் கர்ப்பமாக இருப்பது தெரியவந்தது. இதனால், அதிர்ச்சியடைந்த பெற்றோர், ஈரோடு அனைத்து மகளிர் காவல் நிலையத்தில் புகார் அளித்தனர். அதன்பேரில், சிறுமியிடம் போலீசார் நடத்திய விசாரணையில், சென்னையை சோ்ந்த கார்த்திக் (30) என்பவர், இன்ஸ்டாகிராமில் பழகி, திருமண ஆசை வார்த்தை கூறியதை நம்பி தனிமையில் சந்தித்தபோது பலாத்காரம் செய்ததாக தெரிவித்தார். இதையடுத்து போலீசார் கார்த்திக் மீது போக்சோ வழக்குப்பதிவு செய்து கார்த்திக்கை தேடி வருகின்றனர்.
The post இன்ஸ்டாகிராமில் பழகிய சிறுமியை கர்ப்பமாக்கிய வாலிபர் மீது வழக்கு appeared first on Dinakaran.
