ஜெயங்கொண்டம், நவ.20: பொன்பரப்பி அரசு மேல்நிலைப் பள்ளியில் தொல்காப்பிய உலக சாதனை நிகழ்வில் கலந்து கொண்ட மாணவ மாணவிகளுக்கு பாராட்டு விழா கருத்தரங்கம் நடைபெற்றது. மேல்நிலை முதலாம் ஆண்டு மற்றும் இரண்டாம் ஆண்டு பயிலும் மாணவ மாணவிகளுக்கு இணையவழியில் கடந்த ஜூலை 26 முதல் ஆகஸ்ட் 1ம் தேதி வரை தொல்காப்பிய உலக சாதனை கருத்தரங்கம் நடைபெற்றது.கருத்தரங்கில் பொன்பரப்பி அரசு மேல்நிலைப் பள்ளியில் மேல்நிலை முதலாம் ஆண்டு மற்றும் இரண்டாம் ஆண்டு பயிலும் மாணவ மாணவிகள்70பேர் தொல்காப்பிய உரை, தொல்காப்பியர் ஓவியம் வரைதல் கலந்து கொண்டனர். கலந்து கொண்ட மாணவ மாணவிகளுக்கு பாராட்டி சான்றிதழ் வழங்கும் நிகழ்ச்சி நடைபெற்றது. நிகழ்ச்சிக்கு தலைமை ஆசிரியர் ஜோதிலிங்கம் தலைமை வகித்தார். ஆசிரிய பெருமக்களும் கலந்து கொண்டு மாணவ மாணவிகளுக்கு உலக சாதனை சான்றிதழ் மற்றும் பாரா ட்டு சான்றிதழ்களை வழ ங்கினர். சிறப்பாக ஒருங்கிணைப்பு செய்த பஞ்சாபகேசன் முதுகலை விலங்கியல் ஆசிரியருக்கு தொல்காப்பியர் சுடர் பட்டய விருது வழங்கி வாழ் த்து தெரிவித்தனர்.

The post தொல்காப்பிய உலக சாதனை கருத்தரங்கில் கலந்து கொண்ட மாணவ, மாணவியருக்கு பாராட்டு appeared first on Dinakaran.