தஞ்சாவூர், நவ. 14: பாபநாசம் அருகே வீட்டின் கதவை உடைத்து 7 கிராம் நகை திருடிய மர்ம நபர்களை போலீசார் தேடிவருகின்றனர். தஞ்சாவூர் மாவட்டம், பாபநாசம் அருகே உள்ள கோவில் தேவராயன்பேட்டை சூபிநகரை சேர்ந்தவர் துல்ஹஜ் பானு(25). இவருடைய கணவர் சேக்தாவூத் வெளிநாட்டில் உள்ளார். கடந்த 2 நாட்களுக்கு முன்பு துல்ஹஜ் பானு வீட்டின் பூட்டை பூட்டிவிட்டு, நெடுந் தெருவில் பாட்டி வீட்டிற்கு சென்று விட்டார். மறுநாள் வீட்டுக்கு வந்து பார்த்தபோது வீட்டின் கதவு உடைக்கப்பட்டிருந்தது.

உள்ளே பீரோவில் இருந்த 7 கிராம் தங்க தோடுகளை காணவில்லை. மர்ம நபர்கள் அவற்றை திருடிச்சென்றது தெரியவந்தது. இதுகுறித்து தகவல் அறிந்ததுணை போலீஸ் சூப்பிரண்டு முருகவேலு, இன்ஸ்பெக்டர் சகாய அன்பரசு, சப்-இன்ஸ்பெக்டர் ஜெகஜீவன் ஆகியோர் திருட்டு நடந்த வீட்டுக்கு சென்று விசாரணை மேற்கொண்டனர். தஞ்சையிலிருந்து தடயவியல் நிபுணர் அமலா வரவழைக்கப்பட்டு தடயங்கள் சேகரிக்கப்பட்டன. இதுகுறித்து, பாபநாசம் போலீசார் வழக்குப் பதிந்து விசாரிக்கின்றனர்.

The post பாபநாசம் அருகே வீட்டின் பூட்டை உடைத்து நகை கொள்ளை appeared first on Dinakaran.