தர்மபுரி, நவ.13: தமிழக அரசின், டாக்டர் அம்பேத்கர் விருது பெற விண்ணப்பிக்குமாறு தர்மபுரி மாவட்ட கலெக்டர் சாந்தி கேட்டுக் கொண்டுள்ளார். இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதவாது: அம்பேத்கர் பெயரில், தமிழ்நாட்டைச் சேர்ந்த ஒருவருக்கு பட்டியல் இன மக்களின் முன்னேற்றத்திற்கு அரிய தொண்டு செய்பவருக்கு ஆண்டுதோறும் டாக்டர் அம்பேத்கர் விருது வழங்கி, தமிழ்நாடு அரசு சிறப்பித்து வருகிறது. அந்த வகையில் 2024ம் ஆண்டு டாக்டர் அம்பேத்கர் விருது பெற விரும்புவோர் தங்களைப் பற்றிய முழு விவரங்களுடன், தர்மபுரி மாவட்ட கலெக்டர் அலுவலகத்தில் வரும் 20ம் தேதிக்குள் விண்ணப்பிக்கலாம். மேலும், இவ்விருதுக்கான விண்ணப்பப் படிவத்தை ஆதிதிராவிடர் நல இயக்குநர் அலுவலகம் சென்னை -05 அல்லது சம்பந்தப்பட்ட மாவட்ட ஆதிதிராவிடர் மற்றும் பழங்குடியினர் நல அலுவலகத்திலும் பெற்றுக்கொள்ளலாம். இவ்வாறு கலெக்டர் தெரிவித்துள்ளார்.

The post அம்பேத்கர் விருதிற்கு விண்ணப்பிக்க அழைப்பு appeared first on Dinakaran.