திருவொற்றியூர்: திருவொற்றியூர் கலைஞர் நகர் 9வது தெருவைச் சேர்ந்தவர் அஜய் (25), பைக் மெக்கானிக். இவர் கடந்த 8ம் தேதி காலை அதே பகுதியில் காலி மனை ஒன்றில் மார்பு மற்றும் கையில் கத்தியால் குத்தி கொலை செய்யப்பட்டு பிணமாக கிடந்தார். இதில் சாத்தங்காடு போலீசார் வழக்குப்பதிவு செய்து ராஜா சண்முகநகரைச் சேர்ந்த அஜய்யின் நண்பரான தினேஷ்குமார் (28) என்பவரை கைது செய்து சிறையில் அடைத்தனர். முன்விரோதம் காரணமாக நடந்த இந்த கொலையில் தொடர்புடைய தினேஷ்குமாரின் நண்பர் இப்ராஹிம் கலீல் (31) என்பவர் தலைமறைவானார்.
இந்நிலையில் நேற்று காலை அவரது மொபைல் போன் நம்பர் நெட்வொர்க்கை ஆய்வு செய்தபோது விருதாச்சலத்தில் இருப்பது தெரியவந்தது. விசாரணைக்குப் பயந்து விருதாச்சலத்தில் உள்ள உறவினர் வீட்டில் கலீல் பதுங்கி இருந்தார். பின்னர் போலீசார் கலீல் உறவினரிடம் நைசாக பேசி அவரை மீண்டும் சென்னைக்கு வரவழைத்தனர். இதையடுத்து சென்னை எழும்பூர் ரயில் நிலையத்தில் வந்து இறங்கிய இப்ராஹிம் கலிலை தனிப்படை போலீசார் சுற்றி வளைத்து நேற்று முன்தினம் இரவு கைது செய்து சிறையில் அடைத்தனர்.
The post திருவொற்றியூரில் மெக்கானிக் கொலை விருதாச்சலத்தில் பதுங்கிய குற்றவாளி பிடிபட்டார் appeared first on Dinakaran.
