சென்னை: விருகம்பாக்கம் தொகுதி திமுக வேட்பாளர் ஏ.எம்.வி.பிரபாகர் ராஜாவை ஆதரித்து திமுக மகளிர் அணி செயலாளர் கனிமொழி எம்பி பிரசாரத்தில் ஈடுபட்டார். அப்போது அவர், ‘திமுக ஆட்சிக்கு வந்தவுடன் தேர்தல் அறிக்கையில் குறிப்பிட்ட அனைத்து திட்டங்களும் நிறைவேற்றப்படும்,’ என்றார். பிரசாரத்தின் போது தலைமை செயற்குழு உறுப்பினர் க.தனசேகரன், பகுதி செயலாளர் மு.ராசா, தலைமை பொதுக்குழு உறுப்பினர் உ.துரைராஜ், எஸ்.டி.தங்கராஜ், மாவட்ட துணை செயலாளர் வாசுகி, மாவட்ட மகளிர் அணி அமைப்பாளர் ரத்னா லோகேஷ், வட்ட செயலாளர்கள் பூக்கடை பழனிச்சாமி, செழியன், செந்தில், பி.கே.குமார், அன்பழகன் மற்றும் கூட்டணி கட்சியினர் உட்பட பலர் கலந்து கொண்டனர்.