தொடக்க வேளாண்மை கூட்டுறவு கடன் சங்கங்களை கணினிமயமாக்கல் தொடர்பான `நிறுவன வள திட்டமிடல்’ பயிற்சி

திருவள்ளூர்: திருவள்ளூர் மாவட்ட கூட்டுறவுத்துறை அலுவலர்களுக்கு தொடக்க வேளாண்மை கூட்டுறவு கடன் சங்கங்களை கணினிமயமாக்கலுக்கு கொண்டு வருதல் தொடர்பான `நிறுவன வள திட்டமிடல்’ பயிற்சி, காஞ்சிபுரம் மத்திய கூட்டுறவு வங்கி திருவள்ளூர் கிளையில் 9ம் தேதி தொடங்கி 12ம் தேதி வரை 4 நாட்கள் நடைபெறவுள்ளது.

முதல் நாள் பயிற்சியினை கூட்டுறவு சங்கங்களின் மண்டல இணைப்பதிவாளர் பா.ஜெய தொடங்கி வைத்தார். நிகழ்வில் துணைப்பதிவாளர் மற்றும் பணியாளர் அலுவலர் மங்கள் தாஸ், பொது விநியோகத் திட்ட துணைப் பதிவாளர் பாலாஜி, கூட்டுறவுத் துறை அலுவலர்கள் உள்ளிட்ட பலர் கலந்துகொண்டனர்.