திருவாரூர், ஜூன் 11: திருவாரூர் மாவட்டத்தில் வெடிபொருள் உற்பத்தி உரிமம் பெறுவதற்கு இணையதளம் மூலம் மட்டுமே விண்ணப்பிக்க வேண்டும் என கலெக்டர் மோகனசந்திரன் தெரிவித்துள்ளார். இதுகுறித்து அவர் வெளியிட்டுள்ள செய்தி குறிப்பில் கூறியிருப்பதாவது: திருவாரூர் மாவட்டத்தில் வெடிபொருள் சட்டம் – 1884 மற்றும் விதிகள் வெடிபொருள் உற்பத்தி உரிமம், வெடிபொருள் சில்லரை விற்பனை உரிமம், வெடிபொருள் சில்லரை விற்பனை உரிமம் புதுப்பித்தல் மற்றும் பெட்ரோலியம் சட்டம் -1934 மற்றும் விதிகள் பெட்ரோல் டீசல் சில்லரை விற்பனை உரிமங்கள் ஆகிய சேவைகளுக்கான விண்ணப்பங்கள் இணையவழி மூலம் மட்டுமே பெறப்படும். எனவே, விண்ணப்பத்தாரர்கள் தங்களது விண்ணப்பத்தினை எல்.எஸ்.டி.ஏ போர்டல் இணையதளம் மூலம் மட்டும் விண்ணப்பிக்குமாறு கேட்டுக்கொள்ளப்படுகிறார்கள். இவ்வாறு அவர் தெரிவித்துள்ளார்.