போதை பொருள் ஒழிப்பு குறித்து மிதிவண்டி விழிப்புணர்வு பயணம்

*கலெக்டர் கொடியசைத்து தொடங்கி வைத்தார்

திருப்பதி : போதைப்பொருள் இல்லாத ஆந்திர மாநில இயக்கத்தின் ஒரு பகுதியாக திருப்பதியிலிருந்து விசாகப்பட்டினம் வரையிலான மிதிவண்டி விழிப்புணர்வு பயணத்தைக் ஸ்ரீவெங்கடேஸ்வரா பல்கலைக்கழக அரங்கத்தில் இருந்து கலெக்டர் வெங்கடேஸ்வர், எஸ்பி சுப்பாராயுடு, இணை கலெக்டர் கோவிந்தா ராவ் உள்ளிட்ட அதிகாரிகள் கொடியசைத்துத் தொடங்கி வைத்தனர். இந்த விழிப்புணர்வு மாநாட்டில் ஈகிள் அமைப்பின் ஐ.ஜி. ரவிகிருஷ்ணா காணொளி வாயிலாகப் பங்கேற்றார்.

இந்நிகழ்ச்சியில் கலெக்டர் பேசியதாவது: நமது சமூகத்தில் போதைப்பொருட்களின் தாக்கம் மிகப் பெரியது. போதைப்பொருட்களின் தாக்கத்தால் பல நாடுகள் பிளவுபட்டுள்ளன. இதுபோன்ற நிலை ஏற்படாதவாறு, நமது நாட்டின் மாநில அரசுகள் போதைப்பொருள் பயன்பாட்டிற்கு எதிராகக் கடுமையான நடவடிக்கை எடுத்து வருகிறது.

இளைஞர்கள் போதைப்பொருளுக்கு அடிமையாகக் கூடாது. போதைப்பொருள் விநியோகம் மற்றும் பயன்பாட்டினால் ஏற்படும் உடல்நலம் மற்றும் சட்டரீதியான பிரச்னைகள் குறித்து இளைஞர்களுக்காகப் பல்வேறு விழிப்புணர்வு நிகழ்ச்சிகள் ஏற்பாடு செய்யப்பட்டு வருகிறது.

மூத்த ஐபிஎஸ் அதிகாரிகளின் தலைமையில் ‘ஈகிள்’ குழுவை அமைத்து நடவடிக்கை எடுத்துள்ளது.போதைப்பொருள் மற்றும் கஞ்சா பயன்பாட்டை முற்றிலுமாக ஒழிப்பதற்காக மாவட்டத்தில் பரந்த அளவிலான விழிப்புணர்வு நிகழ்ச்சிகள் நடத்தப்பட்டு வருகிறது. மாணவர்களே சமூகத்தின் எதிர்காலம். அவர்கள் சரியான பாதையைப் பின்பற்றினால் மட்டுமே நாட்டின் வளர்ச்சி சாத்தியமாகும்.

தற்போது சில இளைஞர்கள் போதைப்பொருள் மற்றும் கஞ்சா போன்ற போதைப்பொருட்களுக்கு அடிமையாகி வருகிறது. போதைப்பொருள் பயன்பாடு சட்டப்படி ஒரு குற்றம்.

இதுபோன்ற செயல்களில் ஈடுபடுபவர்கள் மீது கடுமையான நடவடிக்கை எடுக்கப்படும். தேவைப்பட்டால் போதைப்பொருள் தடுப்புச் சட்டமும் செயல்படுத்தப்படும். போதைப்பொருள் ஒழிப்பு ஒவ்வொரு கிராமம், ஒவ்வொரு வார்டு, ஒவ்வொரு பள்ளி மற்றும் ஒவ்வொரு குடும்பத்திலிருந்தும் தொடங்கப்பட வேண்டும்.

போதைப்பொருள் தொடர்பான எந்தவொரு தகவலையும் கண்டறிந்தவுடன், 1972 என்ற கட்டணமில்லா எண்ணுக்கோ அல்லது மாவட்ட காவல்துறை வாட்ஸ்அப் குழுவிற்கோ உடனடியாகத் தெரிவிக்கவேண்டும். தகவல் அளிப்பவர்களின் விவரங்கள் ரகசியமாக வைக்கப்படும். காவல்துறைக்கு மட்டுமல்லாமல், ஒவ்வொரு மாணவரும் ஒரு பொறுப்புள்ள குடிமகனாகச் செயல்பட்டு, சமூகத்தில் இந்த நோயை ஒழிப்பதில் ஒத்துழைக்க வேண்டும்.

இந்த நிகழ்ச்சியில் பங்கேற்ற மாணவர்கள், இந்த விழிப்புணர்வை தங்கள் குடும்ப உறுப்பினர்கள் மற்றும் நண்பர்களுடன் பகிர்ந்து கொள்ள வேண்டும். இவ்வாறு அவர் கூறினார்.தொடர்ந்து மாவட்டத்தில் போதைப்பொருள் மற்றும் கஞ்சா பயன்பாட்டை முற்றிலுமாக ஒழிப்பதற்காக அதிகாரிகள் பரந்த அளவிலான விழிப்புணர்வு நிகழ்ச்சிகளை நடத்தி வருவதாக ஈகிள் எஸ்.பி. கூறினார். இந்த மாநாட்டில் சுமார் 1,15,000 மாணவர்கள் இணையவழியில் பங்கேற்றதாக அவர் கூறினார்.

மாணவர்களே சமூகத்தின் எதிர்காலம் என்று கூறிய அவர், அவர்கள் சரியான பாதையைப் பின்பற்றினால் மட்டுமே நாட்டின் வளர்ச்சி சாத்தியமாகும் என்றார். நிகழ்ச்சியில் திருப்பதி ஆர்டிஓ ராம்மோகன், எஸ்வி பல்கலைக்கழக விசி நரசிம்மராவ், ஸ்ரீ பத்மாவதி பல்கலைக்கழக விசி வி.உமா, எஸ்வி பல்கலைக்கழக பதிவாளர் பேராசிரியர் பூபதி நாயுடு, கூடுதல் எஸ்பி ரவி மனோகராச்சாரி உள்ளிட்ட பலர் கலந்துகொண்டனர்.