ஒரே தொகுதியில் மோதும் பங்காளிகள்

புதுக்கோட்டை மாவட்டத்தில் புதுக்கோட்டை, திருமயம், ஆலங்குடி, கந்தர்வகோட்டை (தனி), அறந்தாங்கி, விராலிமலை என 6 சட்டமன்ற தொகுதிகள் உள்ளது. இதில் கந்தர்வகோட்டை (தனி) சட்டமன்ற தொகுதியில் திமுக கூட்டணியில் மார்க்சிஸ்ட் கம்யூனிஸ்ட் கட்சி வேட்பாளர் எம்.சின்னதுரை போட்டியிடுகிறார். இவர் கந்தர்வகோட்டை ஒன்றியம் புனல்குளம் கிராமத்தை சேர்ந்தவர் ஆவார்.

சிட்டிங் எம்எல்ஏ. இதேபோல் அதிமுக தலைமையிலான தேசிய ஜனநாயக கூட்டணியில் பாஜ சார்பில் இதே கிராமத்தைச் சேர்ந்த எம்.சி.உதயகுமார் வேட்பாளராக அறிவிக்கப்பட்டுள்ளார். இவர் பாஜவின் மாவட்ட எஸ்சி, எஸ்டி பிரிவின் தலைவர். ஒரே கிராமத்தை சேர்ந்த இரு வேட்பாளர்களும் அண்ணன், தம்பியின் மகன்கள். அதாவது சகோதரர்கள். ஒரே தொகுதியில் பங்காளிகள் நேருக்கு நேர் மோதிக்கொள்வதால் இந்த தொகுதி தேர்தல்களம் சூடு பிடித்துள்ளது.