கோலாலம்பூர்: மலேசியப் பிரதமர் பதவியில் அதிகபட்சம் 10 ஆண்டுகள் மட்டுமே ஒருவர் பதவி வகிக்க முடியும் என்ற புதிய சட்டதிருத்த மசோதா அந்நாட்டு நாடாளுமன்றத்தில் தாக்கல் செய்தது. அதிகாரக் குவிப்பை தடுக்கவும், வெளிப்படைத்தன்மையை அதிகரிக்கவும் அந்நாட்டு அரசு அதிரடி நடவடிக்கை எடுத்துள்ளது.
இந்த 10 ஆண்டு கால வரம்பு நாட்டின் தலைமைத்துவ நிறுவனங்கள் மீதான பொதுமக்களின் நம்பிக்கையை அதிகரிக்கும் என்றும், சர்வதேச அளவில் முதிர்ச்சியடைந்த ஜனநாயக நடைமுறைகளுக்கு ஏற்ப இது இருக்கும் என்றும் சட்டம் மற்றும் நிறுவன சீர்திருத்த அமைச்சர் கூறினார்.
“நேற்றைய அமைச்சரவைக் கூட்டத்தில், கொள்கை உள்ளீடுகள், பொதுமக்கள் கருத்துகள் மற்றும் பல பங்குதாரர்களை உள்ளடக்கிய முழுமையான ஈடுபாட்டு அமர்வுகள் மூலம் சேகரிக்கப்பட்ட பரிந்துரைகள் ஆகியவற்றை முழுமையாகப் பரிசீலித்த பிறகு இந்த முடிவு எடுக்கப்பட்டது”.
தற்போதைய மக்களவை அமர்வின் போது, 10 ஆண்டு பதவிக்கால வரம்பை முறைப்படுத்த, மத்திய அரசியலமைப்பில் பல தொடர்புடைய திருத்தங்களை அரசாங்கம் தாக்கல் செய்துள்ளது. ஜனநாயகக் கொள்கைகளுக்கு ஏற்ப வெளிப்படைத்தன்மை மற்றும் நிர்வாகத்தை மேம்படுத்துவதை நோக்கமாகக் கொண்ட அரசாங்கத்தின் தற்போதைய நிறுவன சீர்திருத்த நிகழ்ச்சி நிரலின் ஒரு பகுதியாக இந்த அறிவிப்பு அமைகிறது.
பிரதமரின் பதவிக்காலத்தை 10 ஆண்டுகளுக்கு மிகாமல் அல்லது இரண்டு முழு பதவிக்காலங்களாகக் கட்டுப்படுத்தும் மசோதாவை அரசாங்கம் தாக்கல் செய்துள்ளது. 2025 ஆம் ஆண்டின் தொடக்கத்தில், பிரதமரின் பதவிக்காலத்தை 10 ஆண்டுகள் அல்லது இரண்டு பதவிக்காலங்களாகக் கட்டுப்படுத்த, மத்திய அரசியலமைப்பைத் திருத்துவதற்கான டிஏபியின் அழைப்புக்கு ஆதரவு தெரிவித்தார்.
