சேலத்தில் நாளை விஜய் பங்கேற்கும் கூட்டம்: செங்கோட்டையன் அட்வைஸ்

சேலம்: சேலம் சீலநாயக்கன்பட்டி பைபாஸ் அருகே உள்ள தாளமுத்து நடராஜன் மைதானத்தில் நாளை தவெக நிர்வாகிகள் சந்திப்பு கூட்டம் நடக்கிறது. இதில் கட்சி தலைவர் விஜய் பங்கேற்று பேசுகிறார். இதுகுறித்து தலைமை ஒருங்கிணைப்பாளர் நிருபர்களிடம் கூறியதாவது: தமிழக மக்கள் மாற்றத்தை விரும்புகின்றனர். இந்த சேலம் நிகழ்வு வரலாறு படைக்கும் நிகழ்ச்சியாக அமையும். விஜய்யை பார்க்கும் ஆர்வத்தில் பொதுமக்கள் குழந்தைகளை அழைத்து வரக்கூடாது. பெரியவர்கள், வயது முதிர்ந்தவர்கள், உடல்நிலை பாதித்தவர்கள், கர்ப்பிணிகள் வரக்கூடாது. காவல்துறை வேண்டுகோளை ஏற்று நிர்வாகிகள் சந்திப்பு கூட்டத்திற்கு வரும் அனைவருக்கும் அடையாள அட்டை வழங்க நடவடிக்கை எடுக்கப்பட்டுள்ளது. இவ்வாறு செங்கோட்டையன் கூறினார்.