சேலம் கூட்டத்தில் இந்திய யூனியன் முஸ்லிம் லீக் தலைவர் காதர்மொகிதீன் பேசுகையில்,”திமுக தலைவர் மு.க.ஸ்டாலினை முதல்வராக்கி, கோட்டையில் கொடியேற்ற வைக்க வேண்டும். தமிழகத்தை உயர்த்தவும், பொருளாதாரத்தை சீரமைக்கவும், திமுக தேர்தல் அறிக்கையில் 500க்கும் மேற்பட்ட அறிவிப்புகளும், திருச்சி கூட்டத்தில் 7 சிறப்பான அறிவிப்புகளும் வெளியிடப்பட்டுள்ளன. இதனை மாநிலம் முழுவதும் உள்ள அனைத்து தொகுதிகளிலும் நடைமுறைப்படுத்த, அனைவரும் ஒத்துழைக்க வேண்டும்.

திராவிட நெறியை அழிக்க நினைக்கும் சக்தி, இல்லவே இல்லை என்ற நிலை உருவாக வேண்டும். பண்பாடு, பாரம்பரியத்தை காக்க மு.க.ஸ்டாலின் முதல்வராக வேண்டும். அவர் தான் ஜாதி, மதங்களை கடந்து, தமிழகத்தை வளர்ச்சி பாதைக்கு கொண்டு செல்வார். தற்போது தமிழகத்தில் மு.க.ஸ்டாலின் தலைமையில் அமைந்துள்ள கூட்டணி, இந்தியாவிற்கே முன்மாதிரியான கூட்டணியாக விளங்குகிறது” என்றார்.