தனுஷ் பட நடிகை மெஹ்ரீன் திடீர் திருமணம்

சென்னை: தமிழ், தெலுங்கு, கன்னடம், இந்தி, பஞ்சாபி ஆகிய மொழிகளில் பல படங்களில் ஹீரோயினாக நடித்தவர், மெஹ்ரீன் பிர்சாடா (30). விஜய் தேவரகொண்டாவுடன் ‘நோட்டா’, தனுஷுடன் ‘பட்டாஸ்’, வசந்த் ரவியுடன் ‘இந்திரா’ ஆகிய படங்களில் ஹீரோயினாக நடித்தார்.

இந்நிலையில், ஹரியானா மாநில முன்னாள் முதல்வர் பஜன் லால் பேரனும், ஆதம்பூர் தொகுதி சட்டமன்ற உறுப்பினருமான பாவ்யா பிஷ்னோய் என்பவருக்கும், மெஹ்ரீன் பிர்சாடாவுக்கும் 2021 மார்ச் மாதம் நிச்சயதார்த்தம் நடந்தது. ஆனால் அந்த உறவு முறிந்தது. தற்போது மெஹ்ரீன் பிர்சாடா தனது நீண்ட நாள் காதலர் அர்ஸ் அவுலாக் என்பவரை நேற்று முன்தினம் திருமணம் செய்துகொண்ட தகவல் வெளியாகியுள்ளது. அவர்களின் திருமணம் இமாச்சல பிரதேசத்தின் சைலில் இருக்கும் சொகுசு விடுதியில், இருவீட்டு பெற்றோர்கள் மற்றும் உறவினர்கள், நெருங்கிய நண்பர்கள் முன்னிலையில் நடந்தது.