முதல்வர் குறித்து விமர்சனம் திமுக நிர்வாகிக்கு நிபந்தனை ஜாமீன்

தேன்கனிக்கோட்டை: கிருஷ்ணகிரி மாவட்டம் ராயக்கோட்டை அருகேயுள்ள போடம்பட்டி கிராமத்தில் வசிப்பவர் அன்பானந்தம் (28), திமுகவின் ஜென்-சி ஒருங்கிணைப்புக்குழு உறுப்பினராக உள்ளார். இவர் தமிழக முதல்வர் விஜய், திரிஷாவுடன் பிறந்தநாள் கொண்டாடியது குறித்து விமர்சனம் செய்து வீடியோ ஒன்றை பதிவிட்டு இருந்தார். இதுகுறித்து தவெக நிர்வாகிகள் கொடுத்த புகாரின்பேரில் கடந்த 23ம் தேதி ராயக்கோட்டை போலீசார் வழக்குப்பதிவு செய்து விசாரணை நடத்தி வந்தனர்.

இந்நிலையில் நேற்று முன்தினம் அன்பானந்தம் தேன்கனிக்கோட்டை நீதிமன்ற நீதிபதி தினேஷ்குமார் முன்னிலையில் சரணடைந்தார். இவ்வழக்கை விசாரித்த நீதிபதி, ஒருநாள் போலீஸ் கஸ்டடியில் வைத்து விசாரிக்க உத்தரவிட்டார். கஸ்டடி முடிந்து நேற்று ஆஜர்படுத்தப்பட்ட அன்பானந்தத்திற்கு நிபந்தனை ஜாமீன் வழங்கிய நீதிபதி 15 நாட்கள் ராயக்கோட்டை ஸ்டேஷனில் கையெழுத்திட வேண்டும் என கூறி னார்.