சென்னை :கும்பகோணம் மாநகராட்சி மேயர் பதவியை காங்கிரசுக்கு ஒதுக்கீடு செய்து திமுக அறிவிப்பு வெளியிட்டுள்ளது. நடைபெற உள்ள நகர்ப்புற உள்ளாட்சி அமைப்புகளில் மேயர், துணை மேயர் - நகராட்சித் தலைவர், துணைத் தலைவர் -பேரூராட்சித் தலைவர், துணைத் தலைவருக்கான தேர்தலில்,திராவிட முன்னேற்றக் கழகத் தலைவரும் - மாண்புமிகு முதலமைச்சருமான மு.க.ஸ்டாலின் அவர்களுடன் மதச்சார்பற்றமுற்போக்குக் கூட்டணிக் கட்சித் தலைவர்கள் கோரிக்கை வைத்ததன் அடிப்படையில், கூட்டணியில் உள்ள கட்சிகள்போட்டியிடும் இடங்கள் மற்றும் பதவிகள் பின்வருமாறு :-
திமுக கூட்டணியில் மதிமுகவுக்கு ஆவடி துணை மேயர் பதவி ஒதுக்கீடு; 1 நகராட்சி தலைவர், 3 பேரூராட்சி தலைவர் மற்றும் 3 நகராட்சி துணைத்தலைவர், 3 பேரூராட்சி துணைத்தலைவர் பதவிகளும் ஒதுக்கீடு
திமுக கூட்டணியில் மார்க்சிஸ்ட் கம்யூனிஸ்ட் கட்சிக்கு மதுரை துணை மேயர் பதவி ஒதுக்கீடு; 2 நகராட்சி தலைவர், 3 பேரூராட்சி தலைவர் மற்றும் 3 நகராட்சி துணைத்தலைவர், 6 பேரூராட்சி துணைத்தலைவர் பதவிகளும் ஒதுக்கீடு
