சென்னை: நல்ல நண்பர்களை இழந்து விடாதீர்கள் என ரசிகர்களுக்கு இயக்குனர் செல்வராகவன் அறிவுரை கூறினார். காதல் கொண்டேன், 7 ஜி ரெயின்போ காலனி, ஆயிரத்தில் ஒருவன், இரண்டாம் உலகம், என்ஜிகே உள்ளிட்ட படங்களை இயக்கியவர் செல்வராகவன். பீஸ்ட், சாணிக்காயிதம், பகாசூரன் படங்களில் நடித்திருக்கிறார்.
இந்நிலையில் நண்பர்களை பற்றி டிவிட்டரில் அவர் கூறியிருப்பது: அனுபவத்தில் சொல்கிறேன். நல்ல நண்பர்களை மட்டும் இழந்து விடாதீர்கள். எனக்கு நண்பர்களே கிடையாது. 23 வருடங்களாக வேலையைத் தவிர எதையும் யோசித்ததில்லை. இன்று நண்பர்களுடன் ஆனந்தமாக இருப்பவர்களைப் பார்த்தால் பொறாமையாக உள்ளது. எங்கு போய் நட்பைத் தேடுவேன். இவ்வாறு செல்வராகவன் கூறியுள்ளார்.