ஐதராபாத்: இந்திய திரையுலகம் ஆவலுடன் எதிர்பார்க்கும் அறிவியல் புனைக்கதை கொண்ட பான் இந்தியா படம், ‘கல்கி 2898 கி.பி’. இதன் 5வது மற்றும் இறுதி ஹீரோவான ‘புஜ்ஜி’ என்ற எதிர்கால வாகனத்தின் டீசரை தொடர்ந்து, ஐதராபாத்தில் நடந்த பிரமாண்ட விழாவில் ‘புஜ்ஜி’யை படக்குழு அறிமுகப்படுத்தியது. பைரவா வேடமேற்ற பிரபாஸின் சிறந்த நண்பனாக, புஜ்ஜி என்ற எதிர்கால வாகனம் வருகிறது. அந்த வீடியோவை பிரபாஸ் வெளியிட்டு, ‘லவ் யூ புஜ்ஜி’ என்று நெகிழ்ந்தார். புஜ்ஜியின் மூளை, அதன் உடல் வடிவத்துடன் சேர்ந்து மாறுபட்ட உருவத்தில் இருக்கிறது. புஜ்ஜியுடன் பிரபாஸ் சுவரை மோதி உடைத்து வந்து பார்வையாளர்களை வியக்க வைத்தார்.
இயக்குனர் நாக் அஸ்வின், தயாரிப்பாளர்கள் சி.அஸ்வனி தத், ஸ்வப்னா தத் சலசானி, பிரியங்கா தத் சலசானி, பிரபாஸ் ஆகியோருடன் 20 ஆயிரம் பார்வையாளர்கள் கலந்துகொண்டனர். பிரபாஸ், அமிதாப் பச்சன், கமல்ஹாசன், தீபிகா படுகோன், திஷா பதானி நடித்துள்ள இப்படத்தை வைஜெயந்தி மூவிஸ் தயாரித்துள்ளது. புராணக்கதைகளால் ஈர்க்கப்பட்டு, அறிவியல் புனைக்கதை ஜானரில் உருவாகியிருக்கும் இப்படம், வரும் ஜூன் 27ம் தேதி வெளியாகிறது.
The post ஐதராபாத்தில் நடந்த கல்கி 2898 கி.பி விழாவில் பிரபாஸின் நண்பன் புஜ்ஜி அறிமுகம் appeared first on Kollywood News | Kollywood Images - Cinema.dinakaran.com.
