- கொப்பர்
- ஈரோடு
- முண்டினம் கோபர்
- பெருதுர வேளாண்மை உற்பத்தியாளர் கூட்டுறவு
- பெதுந்துரை விவசாய உற்பத்தியாளர்கள் கூட்டுறவு விற்பனை சங்கம்
- காப்பர்
- தின மலர்
ஈரோடு,ஜூலை28: பெருந்துறை வேளாண்மை உற்பத்தியாளர்கள் கூட்டுறவு விற்பனைச்சங்கத்தில் ரூ.6.90 கோடிக்கு நேற்று முன்தினம் கொப்பரை விற்பனை நடைபெற்றது. பெருந்துறை வேளாண்மை உற்பத்தியாளர்கள் கூட்டுறவு விற்பனைச் சங்கத்தில் வாரந்தோறும் சனி மற்றும் புதன்கிழமைகளில் கொப்பரை ஏலம் நடைபெற்று வருகிறது.நேற்று முன்தினம் நடைபெற்ற ஏலத்துக்கு மொத்தம் 6,126 மூட்டை கொப்பரைகள் கொண்டு வரப்பட்டிருந்தன.
இதில், முதல் தர கொப்பரைகள் 3,298 மூட்டைகள் வரப் பெற்றிருந்தன. இவை குறைந்தபட்ச விலையாக கிலோ ரூ.214.99க்கும்,அதிகபட்சமாக ரூ.247.29க்கும் விற்பனையாகின. இரண்டாம் தர கொப்பரைகள் 2,828 மூட்டைகள் கொண்டு வரப்பட்டிருந்தன. இவை குறைந்தபட்சமாக கிலோ ரூ.24.99க்கும், அதிகபட்சமாக ரூ.238.60க்கும் விற்பனையாகின. மொத்தம் 2 லட்சத்து 90 ஆயிரம் கிலோ எடையிலான கொப்பரைகள் விற்பனையாகின.
இவற்றின் மொத்த விற்பனை மதிப்பு ரூ.6 கோடியே 90 லட்சம் ஆகும் என விற்பனைக்கூட கண்காணிப்பாளர் தெரிவித்தார்.
The post ரூ.6.90 கோடிக்கு கொப்பரை ஏலம் appeared first on Dinakaran.
