திருமங்கலம், ஜன. 6: திருமங்கலம் அருகே 6 வயது சிறுமிக்கு பாலியல் தொல்லை கொடுத்த வாலிபர், போக்சோ சட்டத்தில் போலீசாரால் கைது செய்யப்பட்டார். திருமங்கலம் அருகேயுள்ள நடுவக்கோட்டையை சேர்ந்தவர் சின்னக்கருப்பு(24). கட்டிடத்தொழிலாளியான இவருக்கு இன்னும் திருமணமாகவில்லை. இந்தநிலையில் நேற்று முன்தினம் வழக்கம் போல் வேலைக்கு சென்று திரும்பிய சின்னக்கருப்பு வழியோர கிராமத்தில் 6 வயது சிறுமி தனியாக நடந்து வந்ததை பார்த்துள்ளார்.
அந்த சிறுமியிடம் பேச்சுக்கொடுத்த அவர், என்ன படிக்கிறாய் என கேட்டுள்ளார். சிறுமியும் அரசுப் பள்ளியில் 2ம் வகுப்பு படித்து வருவதாக கூறியுள்ளார். உனக்கு மிட்டாய் வாங்கித்தந்து வீட்டில் கொண்டுபோய் விடுகிறேன் என அழைத்து சென்று, சிறுமிக்கு பாலியல் தொந்தரவு கொடுத்துள்ளார். சிறுமி அவரிடமிருந்து வந்த பின்னர் இதுகுறித்து தனது தாயாரிடம் கூறியுள்ளார். அவர் கொடுத்த புகாரின் பேரில் திருமங்கலம் அனைத்து மகளிர் போலீசார் போக்சோ சட்டத்தில் வழக்கு பதிவு செய்து, வாலிபர் சின்னகஙகருப்புவை நேற்று கைது செய்து ரிமாண்ட் செய்தனர்.
The post சிறுமிக்கு பாலியல் தொந்தரவு போக்சோவில் வாலிபர் கைது appeared first on Dinakaran.
