குளச்சல், டிச.30: குளச்சல் அருகே வாணியக்குடி வியாகப்பர் தெருவை சேர்ந்தவர் ரஞ்சித்குமார் (46). சம்பவத்தன்று மனைவி, மகன், மகளுடன் பைக்கில் சென்று கொண்டிருந்தார். பனைவிளை சாலையில் கோயில் அருகே சென்றபோது எதிரே அதே பகுதியை சேர்ந்த ஜெய்சன் என்பவர் பைக்கில் வந்தார். அப்போது ஜெய்சன் ஓட்டி வந்த பைக் ரஞ்சித்குமார் பைக் மீது மோதியது.
இந்த விபத்தில் ரஞ்சித்குமார், மனைவி மற்றும் 2 குழந்தைகளும் படுகாயம் அடைந்தனர். ஜெய்சன் காயமின்றி தப்பினார். இதையடுத்து அக்கம் பக்கத்தினர் 4 பேரையும் மீட்டு சிகிச்சைக்காக குளச்சலில் உள்ள தனியார் மருத்துவமனையில் சேர்த்தனர். இதுகுறித்து ரஞ்சித்குமார் குளச்சல் காவல் நிலையத்தில் புகார் கொடுத்தார். அதன்பேரில் போலீசார் விபத்தை ஏற்படுத்தியதாக ஜெய்சன் மீது வழக்குப்பதிவு செய்து விசாரணை நடத்தி வருகின்றனர்.
The post குளச்சல் அருகே பைக் மோதி 4 பேர் படுகாயம் appeared first on Dinakaran.
