அருமனை, நவ.5: அருமனை – அண்டுகோடு பிரதான சாலையில் நேற்று அதிகாலை சொகுசு கார் ஒன்று விரைந்து வந்து கொண்டிருந்தது. உத்திரங்கோடு பகுதியில் வந்தபோது சாலையோரம் நின்ற மின்கம்பத்தில் கார் எதிர்பாராதவிதமாக மோதி விபத்துக்குள்ளானது. இதில் கார் பலத்த சேதம் அடைந்தது. காரின் கண்ணாடிகள் நொறுங்கி விழுந்தன. கார் மோதிய வேகத்தில் மின்கம்பமும் உடைந்தது. இதனால் அப்பகுதியில் பரபரப்பு ஏற்பட்டது.
இந்த விபத்தில் அதிர்ஷ்டவசமாக உயிர் சேதம் எதுவும் ஏற்படவில்லை. உடைந்த மின்கம்பம் கம்பிகளில் தொங்கியபடி காணப்பட்டது. இதன் அருகில் வீடும் உள்ளது. இந்நிலையில் விபத்துக்குள்ளான காரை உடனடியாக அப்பகுதியில் இருந்து அகற்றினர். சம்பவம் குறித்து அருமனை போலீசார் விசாரித்து வருகின்றனர்.
The post அருமனை அருகே மின்கம்பத்தில் மோதிய சொகுசு கார் appeared first on Dinakaran.
