புரோ கபடி லீக் தொடரில் அரியானா-தபாங் டெல்லி பாட்னா-தெலுங்கு இன்று மோதல்

ஐதராபாத்: 12 அணிகள் பங்கேற்றுள்ள 11வது புரோ கபடி லீக் தொடர் ஐதராபாத்தில் நடந்த வருகிறது. இதில் நேற்று நடந்த 19வது லீக் போட்டியில் தமிழ் தலைவாஸ்-ஜெய்ப்பூர் பிங்க் பாந்தர்ஸ் அணிகள் மோதின. கடைசி நொடி வரை விறுவிறுப்பாக நடந்த இந்த போட்டி 30-30 என சமனில் முடிந்தது. தொடர்ந்து நடந்த மற்றொரு போட்டியில் யுபி யோத்தா-குஜராத் ஜெயன்ட்ஸ் மோதின.

முதல் பாதியில் யு.பி. 19-17 என முன்னிலை பெற்றது. 2வது பாதியிலும் அந்த அணியின் ஆதிக்கம் தொடர்ந்தது. முடிவில் 35-29 என யு.பி. யோத்தா வெற்றி பெற்றது. அந்த அணியின் ரெய்டர் பரத் அதிகபட்சமாக 13 புள்ளி எடுத்தார். இன்று இரவு 8 மணிக்கு அரியானா ஸ்டீலர்ஸ்-தபாங் டெல்லி, இரவு 9 மணிக்கு பாட்னா பைரேட்ஸ்-தெலுங்கு டைட்டன்ஸ் மோதுகின்றன.

The post புரோ கபடி லீக் தொடரில் அரியானா-தபாங் டெல்லி பாட்னா-தெலுங்கு இன்று மோதல் appeared first on Dinakaran.