திருப்போரூர்: திருப்போரூரை அடுத்த மானாம்பதி கிராமத்தில் அரசு ஆரம்ப சுகாதார நிலையம் உள்ளது. இங்கு, நேற்று முன்தினம் நள்ளிரவு 12 மணி அளவில் இரவு பணியில் இருந்தவர்களிடம் மது போதையில் ஒருவர் தகராறு செய்து கொண்டிருப்பதாக மானாம்பதி போலீசாருக்கு தகவல் வந்தது. இதையடுத்து, மானாம்பதி காவல் நிலையத்தில் இரவு ரோந்து பணியில் இருந்த போலீஸ்காரர் தாஹா ரசூல், அரசு ஆரம்ப சுகாதார நிலையத்துக்கு சென்று விசாரணை செய்தார்.
விசாரணையில், மானாம்பதி அடுத்த அகரம் பகுதியைச் சேர்ந்த சிலம்பரசன் (38) என்பவர் மதுபோதையில் தகராறு செய்து வந்தது தெரிய வந்தது. இதையடுத்து ரோந்து போலீஸ்காரர் மதுபோதையில் இருந்தவரை போக சொன்னபோது சிலம்பரசன் தகாத வார்த்தைகளால் பேசி போலீஸ்காரரை தாக்கியதாக கூறப்படுகிறது. இது குறித்த புகாரின்பேரில் மானாம்பதி போலீசார் வழக்கு பதிவு செய்து சிலம்பரசனை கைது செய்து விசாரணை நடத்தி வருகின்றனர்.
The post மதுபோதையில் போலீஸ்காரரை தாக்கியவர் கைது appeared first on Dinakaran.
