முழு முதற் கடவுளான பிள்ளையாரை அனைவருக்கும் மிகவும் பிடிக்கும். விக்னங்களை தீர்ப்பவர் ஆயிற்றே! உங்களது பிரச்னைகளை மனதார சொல்லி அவரிடம் முறையிட்டாலே உடனே தீர்த்து வைத்து விடுவார். எல்லோருக்கும் பிடித்தவரை எவ்வாறு வழிபட்டால் என்ன பலன் கிடைக்கும் என்பதை தெரிந்து கொள்ளலாம்.
*மண்ணால் செய்த பிள்ளையாரை வழிபட்டால் நற்பதவி கிடைக்கும்.
*புற்று மண்ணால் செய்த பிள்ளையாரை வழிபட்டால் நல்ல லாபம் கிடைக்கும்.
*உப்பால் செய்த பிள்ளையாரை வழிபட்டால் எதிரிகள் அழிவார்கள்.
*கல்லால் அமைந்த விநாயகரை வழிபட்டால் சகல சௌபாக்யங்களும் கிடைக்கும்.
*மாவால் செய்த பிள்ளையாரை வழிபட்டால் வெற்றி கிடைக்கும்.
*வெள்ளெருக்கால் செய்த பிள்ளையாரை பூஜித்தால் செல்வம் பெருகும்.
*மஞ்சள் நூலால் செய்த பிள்ளையாரை வழிபட்டால் சகல காரியங்களும் நல்ல விதமாக முடியும்.
*வெல்லத்தால் செய்த பிள்ளையார் வாழ்வு வளம் பெறும்.
*பசுஞ்சாணியால் உருவாக்கப்பட்ட பிள்ளையாரை வணங்கினால் உடல் பிணிகள் நீங்கும்.
*அருகம்புல், தேங்காய் இவற்றால் பூஜித்தால் பெருஞ் செல்வமும், நீண்ட ஆயுளும் கிடைக்கும்.
*செந்தாமரை கொண்டு கணபதி ஹோமம் செய்து வணங்கினால் பெருஞ் செல்வம் சேரும்.
*கெட்டித் தயிரால் கணபதி ஹோமம் செய்ய வளம் பெருகும்.
*நீலோற்பவ மலரால் கணபதி ஹோமம் செய்ய அனைத்து சங்கடங்களும் தீரும்.
*வெல்லம், வாழைப்பழம், பாயசம், நெய் கலந்த தேங்காய் இவற்றால் ஹோமம் செய்தால் நாம் எண்ணிய காரியங்கள் உடனே நிறைவேறும்.
*நாயுருவி கொண்டு ஹோமம் செய்தால் கிரகங்களின் தீய தாக்கங்கள் விலகும்.
– மாலதி நாராயணன், சென்னை
The post பிள்ளையாரை வழிபட கிடைக்கும் பலன்கள் appeared first on Dinakaran.
