மயிலாடுதுறை,ஜூன் 14: மயிலாடுதுறை மாவட்டத்தில் சந்தை மதிப்பு வழிகாட்டி மதிப்பினை சீரமைத்தல் வெளியிடப்பட்டுள்ளது என்று கலெக்டர் மகாபாரதி தெரிவித்துள்ளார். சந்தை மதிப்பு வழிகாட்டி மதிப்பினை சீரமைத்தல் தொடர்பாக இந்திய முத்திரைச்சட்டம் பிரிவு 47-ன் கீழான தமிழ்நாடு முத்திரை (சொத்துகளுக்கான சந்தை மதிப்பு வழிகாட்டி தயாரிக்க மதிப்பீடு செய்தல், வெளியிடுதல் மற்றும் திருத்தியமைத்தலுக்காக மதிப்பீட்டு குழு ஏற்படுத்துதல்) விதிகள் 2010, விதிகளில் விதி 4(2)-ன் படி மைய மதிப்பீட்டு குழு 26.04.2024-ல் நிர்ணயம் செய்த நெறிமுறை கோட்பாட்டிற்கு இணங்க மயிலாடுதுறை மாவட்டத்தில் உள்ள வருவாய் கிராமங்கள் வாரியாக வரைவு வழிகாட்டி பதிவேடு தயாரிக்கப்பட்டு, பொதுமக்கள் பார்வையிடும் வகையில் வட்டாட்சியர்.
சார்பதிவாளர் அலுவலகங்கள் உட்பட முக்கிய அரசு அலுவலகங்களில் வைக்கப்பட்டுள்ளது. மேலும் இதன் விவரங்கள் www.threginet.gov.in என்ற இணையதள முகவரியில் தெரிந்துக்கொள்ளும் வகையில் வெளியிடப்பட்டுள்ளது. அனைவரும் இதன் மீது ஏதேனும் ஆட்சேபணைகள் மற்றும் கருத்துரைகள் இருப்பின், அதனை 15 நாட்களுக்குள் மாவட்ட கலெக்டர் தலைமையிலான மதிப்பீட்டு துணைக்குழுவிடம், மதிப்பீட்டு துணைக்குழு. மாவட்ட கலெக்டர் அலுவலகம், மயிலாடுதுறை மாவட்டம், என்ற முகவரியில் நேரிலோ அல்லது தபால் மூலமாகவோ அளித்திட பொதுமக்கள் கேட்டுக்கொள்ளப்படுகிறார்கள் என மாவட்ட கலெக்டர் மகாபாரதி தெரிவித்துள்ளார்.
The post மயிலாடுதுறை மாவட்டத்தில் சந்தை மதிப்பு வழிகாட்டி மதிப்பு சீரமைத்தல் வெளியீடு appeared first on Dinakaran.
