பொன்னமராவதி, மே 30: பொன்னமராவதியில் உள்ள அரசு போக்குவரத்துக்கழக பணிமனை முன்பு பேருந்து நிறுத்தம் அமைக்க வேண்டும் என பொதுமக்கள் கோரிக்கை விடுத்துள்ளனர்.
பொன்னமராவதி திருப்பத்தூர் சாலையில் அரசு போக்குவரத்துக்கழக பணிமனை உள்ளது. இதன் அருகில் ஊராட்சி ஒன்றிய அலுவலகம், வேளாண் அலுவலகம், கால்நடை மருத்துவமனை ஆகியவை உள்ளது.
இந்த முச்சந்தி இடத்திலிருந்து வேந்தன்பட்டி, மேலைச்சிவபுரிக்கு செல்லும் ஒரு சாலையும், திருப்பத்தூர் செல்லும் சாலையும், பஸ் ஸ்டாண்டு செல்லும் சாலையும் என மூன்று புறமும் சாலை உள்ளது. இந்த இடத்தில் பள்ளி மாணவர்கள், அலுவலர்கள், பொதுமக்கள் என எந்த நேரமும் மக்கள் பேருந்திற்கு காத்திருக்கின்றனர்.ஆனால் இங்கு பேருந்து நிறுத்தம் இல்லாமல் வெயிலில், மழையில் நின்று தான் பேருந்தை பிடிக்கவேண்டிய நிலையுள்ளது. எனவே பொதுமக்கள் நலன் கருதி இந்த இடத்தில் பேருந்து நிறுத்தம் அமைக்க வேண்டும் என பொதுமக்கள் கோரிக்கை விடுத்துள்ளனர்.
The post பணிமனை முன்பு பேருந்து நிறுத்தம் அமைக்க வேண்டும் appeared first on Dinakaran.
