நல்ல கொலஸ்ட்ரால் உடலில் சேர..!

நன்றி குங்குமம் டாக்டர்

இப்போதெல்லாம் பெரும்பாலான மக்கள் தவறான வாழ்க்கை முறையால் உடல் ரீதியாகவும், மன ரீதியாகவும் பல பிரச்னைகளை சந்திக்கின்றனர். அதே நேரத்தில் மன அழுத்தம். தவறான உணவுபழக்கம் அதிக நொறுக்குத் தீனிகள் போன்றவற்றால், உடல்பருமன், கொலஸ்ட்ரால் போன்ற பிரச்னைகளையும் மக்கள் சந்திக்க ஆரம்பிக்கிறார்கள்.

மறுபுறம், கொலஸ்ட்ரால் என்ற பெயரைக் கேட்டாலே பெரும்பாலானோருக்கு மூளை, மாரடைப்பு, புற்றுநோய் போன்ற பிரச்னைகள் நியாபகத்திற்கு வரும் ஆனால், நம் உடலில் நல்ல கொலஸ்ட்ரால், கெட்ட கொலஸ்ட்ரால் என 2 வகையான கொலஸ்ட்ரால் உள்ளது. அதில், நல்ல கொலஸ்ட்ரால் உடலுக்கு நன்மை செய்யும் என்று கருதப்படுகிறது. நல்ல கொலஸ்ட்ராலை அதிகரிக்க சில பொருட்களை உட்கொள்ளலாம்.

தானியங்கள்: நல்ல கொலஸ்ட்ராலை அதிகரிக்கும்போது, முதலில் முழு தானியங்களை உணவில் சேர்த்துக் கொள்ள வேண்டும். ஏனெனில் அதில் புரதம், நார்ச்சத்து, வைட்டமின்கள் மற்றும் தாதுக்கள் உள்ளன. இது உங்கள் உடலில் உள்ள நல்ல கொலஸ்ட்ராலை அதிகரிக்க உதவுகிறது. எனவே ஒட்ஸ், பிரவுன்ரைஸ் போன்றவற்றை உணவில் சேர்த்துக் கொள்ளலாம்.

பீன்ஸ்: பீன்ஸ் சாப்பிடுவது நம் ஆரோக்கியத்துக்கு நன்மை பயக்கும். மறுபுறம், புரதம், கால்சியம், இரும்பு மற்றும் வைட்டமின் சி போன்ற தனிமங்கள் பீன்ஸில் போதுமான அளவில் காணப்படுகின்றன. நல்ல கொலஸ்ட்ராலை அதிகரிக்க வேண்டுமானால், பீன்ஸ் சாப்பிட ஆரம்பிக்க வேண்டும்.

நட்ஸ்: உடலில் நல்ல கொலஸ்ட்ராலை அதிகரிக்க வேண்டுமானால், கண்டிப்பாக உணவில் அவ்வப்போது நட்ஸ் சேர்த்துக் கொள்ளுங்கள். நட்ஸ் உட்கொள்வதன் மூலம், மூளை மற்றும் இதய நோய்களில் இருந்து பாதுகாத்துக் கொள்ளலாம்.

பழம்: பழங்கள் உடலுக்கு ஊட்டமளிப்பது மட்டுமல்லாமல், நோய் எதிர்ப்பு சக்தியை வலுப்படுத்தவும் வேலை செய்கின்றன. எனவே, உடலில் நல்ல கொலஸ்ட்ராலை அதிகரிக்க வேண்டுமானால், நார்ச்சத்து நிறைந்த பழங்களைச் சாப்பிட வேண்டும். இதற்கு ஆப்பிள், திராட்சை, சிட்ரஸ் பழங்கள், பேரிக்காய் போன்றவற்றை உணவில் சேர்த்துக் கொள்வது அவசியமாகும்.

தொகுப்பு: கவிதா பாலாஜி

The post நல்ல கொலஸ்ட்ரால் உடலில் சேர..! appeared first on Dinakaran.