வேப்பூர் கிராமத்தில் நாராயண பெருமாள் கோயில் கும்பாபிஷேகம்

குன்னம்,ஏப்.26: பெரம்பலூர் மாவட்டம், குன்னம் அருகே உள்ள வேப்பூர் கிராமத்தில் அமைந்துள்ள நாராயன பெருமாள் கோயில் கும்பாபிஷேகம் நடந்தது. இந்த கோயிலில் கோபுர விமான சுதை சிற்ப பஞ்சவர்ண வேலைகள் புதுப்பிக்கப்பட்டு திருப்பணி செய்யப்பட்டன. திருப்பணி வேலைகள் முடிந்ததை அடுத்து இந்தகோயிலின் கும்பாபிஷேகம் நேற்று நடைபெற்றது. இதையட்டி கோயில் முன்பு யாகசாலை கட்டப்பட்டன முதல் கால யாக பூஜை மங்கள இசையுடன் நேற்று முன்தினம் மாலை விக்னேஸ்வர பூஜை, அனுக்ஞை, அங்குரார்பணம், ரக்ஞாபந்தனம், வாஸ்து சாந்தி, கும்ப ஸ்தாபனம், பூர்ணாகதி, தீபாராதனை நடைபெற்றது. தொடர்ந்து நேற்று காலை 8 மணியளவில் மகா தீபாராதனை உட்பட பூஜைகள் நடந்தன. பின்னர் சுமார் 10.30 மணியளவில் யாகசாலையில் இருந்து வேத விற்பன்னர்கள் கலசங்களை சுமந்து, மேளதாளங்களுடன் கோயிலை வலமாக வந்தனர். தொடர்ந்து நாராயன பெருமாள் கோயில் விமான கலசங்களின் மீது புனித நீர் ஊற்றப்பட்டு கும்பாபிஷேகம் நடைபெற்றுது. இதையொட்டி பக்தர்கள் மீது மஞ்சள் கலந்து புனிதநீர் தெளிக்கப்பட்டது. பக்தர்கள் அனைவருக்கும் விபூதி, மஞ்சள் குங்கும பிரசாதங்கள் வழங்கப்பட்டன. குன்னம் போலீசார் பாதுகாப்பு பணியில் ஈடுபட்டிருந்தனர்.