சென்னையில் ஆபரணதங்கத்தின் விலை காலையில் குறைந்த நிலையில் தற்போது மாலையில் உயர்ந்து விற்பனை

சென்னையில் ஆபரணதங்கத்தின் விலை மாலையில் சவரனுக்கு ரூ.1440 உயர்ந்துள்ளது. சென்னையில் ஆபரணத் தங்கத்தின் விலை சவரனுக்கு ரூ.1440 உயர்ந்து ஒரு சவரன் ரூ.1,11,920க்கு விற்கப்படுகிறது. சென்னையில் இன்று காலை தங்கம் விலை சவரனுக்கு ரூ.1120 குறைந்து ரூ.1,10,480க்கு விற்பனை செய்யப்பட்டது. தங்கம் விலை சவரனுக்கு காலையில் ரூ.1,120 குறைந்த நிலையில் தற்போது மாலையில் ரூ.1,440 உயர்ந்துள்ளது. வெள்ளி விலை கிராமுக்கு ரூ.5 உயர்ந்து ஒரு கிராம் ரூ.260க்கு விற்பனையாகிறது.

சர்வதேச பொருளாதாரம் மற்றும் அரசியல் சூழல், அமெரிக்க டாலருக்கு நிகரான இந்திய ரூபாயின் மதிப்பு, தங்கத்தின் மீதான முதலீடு அதிகரிப்பு, உலக பங்குச்சந்தை முதலீடு உள்ளிட்டவற்றின் அடிப்படையில், தங்கத்தின் விலை நிர்ணயிக்கப்படுகிறது. ஈரான் போர், உலக பொருளாதாரம் உள்ளிட்ட காரணங்களால் தங்கத்தின் விலை சமீப நாள்களில் ஏற்ற, இறக்கத்தில் இருந்து வருகிறது.

தொடர்ந்து ஏற்ற இறக்கமாக இருக்கும் தங்கம் விலை கடைசியாக நேற்று முன் தினம் அதிரடி காட்டியது. 22 காரட் தங்கம் விலை கிராமுக்கு ரூ.100 உயர்ந்து ஒரு கிராம் ரூ.13,950க்கும் சவரனுக்கு ரூ.800 உயர்ந்து ஒரு சவரன் ரூ.1,11,600க்கும் விற்பனை செய்யப்பட்டது. ஏப்ரல் 5ம் தேதி தங்கம் விலையில் மாற்றமில்லை. இந்நிலையில் சென்னையில் இன்று ஆபரணத் தங்கத்தின் விலை சவரனுக்கு ரூ.1,120 குறைந்து ரூ.1,10,480 க்கும், ஒரு கிராமுக்கு ரூ.140 குறைந்து ரூ.13,810க்கும் விற்பனை செய்யப்பட்டது.

இதனிடையே வெள்ளியின் விலை மாற்றமின்றி கிராம் ரூ. 255-க்கும், கிலோ ரூ. 2,55,000 -க்கும் விற்பனை செய்யப்படுகிறது. வாரத்தின் முதல் நாள் விலை குறைந்தது நகைப்பிரியர்களுக்கு மகிழ்ச்சி அளிக்கும் வகையில் அமைந்துள்ளது. தற்போது தங்கத்தின் விலை உயர்ந்து நகை பிரியர்களை அதிர்ச்சியில் ஆழ்த்தியுள்ளது.

அதன்படி சென்னையில் ஆபரணத் தங்கத்தின் விலை சவரனுக்கு ரூ.1440 உயர்ந்து ஒரு சவரன் ரூ.1,11,920க்கு விற்கப்படுகிறது. தங்கம் விலை சவரனுக்கு காலையில் ரூ.1,120 குறைந்த நிலையில் தற்போது மாலையில் ரூ.1,440 உயர்ந்துள்ளது. வெள்ளியின் விலையும் கிராமுக்கு ரூ.5 உயர்ந்து ஒரு கிராம் ரூ.260க்கும் கிலோவுக்கு ரூ.5,000 உயர்ந்தும் ஒரு கிலோ ரூ.2,60,000க்கு விற்பனையாகிறது.