சென்னை: சென்னையில் ஆபரணத் தங்கம் விலை சவரனுக்கு ரூ.480 குறைந்து ஒரு சவரன் ரூ.1,17,200க்கு விற்பனை செய்யப்படுகிறது. தங்கத்தின் விலையில் இன்று மீண்டும் குறிப்பிடத்தக்க சரிவு பதிவாகியுள்ளது. சர்வதேச சந்தையில் தங்கத்தின் விலையில் ஏற்பட்ட மாற்றங்கள், அமெரிக்க டாலரின் மதிப்பு உயர்வு, உலகளாவிய பொருளாதார சூழ்நிலைகளில் ஏற்பட்ட மாற்றங்கள் போன்றவை தங்க விலை குறைவதற்கு முக்கிய காரணங்களாக நிபுணர்கள் கூறுகின்றனர்.
மேலும், முதலீட்டாளர்கள் தங்கத்தில் முதலீடு செய்வதற்குப் பதிலாக பங்கு சந்தை, பத்திரங்கள் மற்றும் பிற முதலீட்டு வாய்ப்புகளுக்கு தற்காலிகமாக மாறி வருவதும் தங்கத்தின் தேவையில் ஒரு அளவுக்கு குறைவை ஏற்படுத்தியுள்ளது. இதன் தாக்கமே உள்ளூர் சந்தைகளிலும் விலை சரிவாக பிரதிபலித்துள்ளதாக சந்தை ஆய்வாளர்கள் விளக்குகின்றனர்.
கடந்த வாரம் தங்கத்தின் விலை தொடர்ந்து உயர்ந்து பொதுமக்களுக்கு சற்று அதிர்ச்சியை ஏற்படுத்தியிருந்த நிலையில், தற்போது ஏற்பட்டுள்ள இந்த விலை குறைவு வாங்குபவர்களுக்கு ஒரு நல்ல வாய்ப்பாக பார்க்கப்படுகிறது. குறிப்பாக திருமண நகைகள் வாங்க திட்டமிட்டு காத்திருந்த குடும்பங்கள் இந்த சரிவை பயன்படுத்தி தங்கம் வாங்க முனைவார்கள் என நகை வியாபாரிகள் கூறுகின்றனர்.
நேற்றைய தினம் (மார்ச்.16) சென்னையில் ஆபரணத் தங்கம் விலை சவரனுக்கு ரூ.400 குறைந்து ஒரு சவரன் ரூ.1,17,680க்கு விற்பனை செய்யப்பட்டது. ஆபரணத் தங்கத்தின் விலை கிராமுக்கு ரூ.50 குறைந்து ஒரு கிராம் ரூ.14,710க்கு விற்பனையானது. சென்னையில் சில்லறை வர்த்தகத்தில் வெள்ளி விலை கிராமுக்கு ரூ.4 குறைந்து ஒரு கிராம் ரூ.276-க்கும் ஒரு கிலோ ரூ.2,76,000க்கு விற்பனை செய்யப்பட்டது.
இந்நிலையில் இன்று (மார்ச்.17) சென்னையில் ஆபரணத் தங்கம் விலை சவரனுக்கு ரூ.480 குறைந்து ஒரு சவரன் ரூ.1,17,200க்கு விற்பனை செய்யப்படுகிறது. ஆபரணத் தங்கத்தின் விலை கிராமுக்கு ரூ.60 குறைந்து ஒரு கிராம் ரூ.14,650க்கு விற்பனையாகிறது. சென்னையில் சில்லறை வர்த்தகத்தில் வெள்ளி விலை கிராமுக்கு ரூ.4 உயர்ந்து ஒரு கிராம் ரூ.280-க்கும், கிலோ ரூ.4000 உயர்ந்து ஒரு கிலோ ரூ.2,80,000க்கு விற்பனை செய்யப்படுகிறது. அதேசமயம், சிலர் இன்னும் விலை குறையுமா என்ற எதிர்பார்ப்பில் காத்திருக்கும் நிலையும் காணப்படுகிறது.
