தஞ்சாவூர்: அண்ணா பிறந்த நாளையொட்டி நேற்று தஞ்சாவூரில் உள்ள அவரது சிலைக்கு அமமுக பொது செயலாளர் டிடிவி.தினகரன் மாலை அணிவித்து மரியாதை செலுத்தினார். பின்னர் அவர் நிருபர்களுக்கு அளித்த பேட்டி: 75 ஆண்டுகால மற்றும் 50 ஆண்டுகால கட்சிக்கு இணையாக அமமுக வளர்ந்து கொண்டு வருகிறது. வரும் சட்டமன்ற தேர்தலில் நிச்சயம் முத்திரை பதிக்கும்.
அமமுக இடம் பெறும் கூட்டணி நிச்சயமாக ஆட்சி அமைக்கும். எடப்பாடி பழனிசாமியை முதலமைச்சர் வேட்பாளராக அறிவிக்கும் பட்சத்தில் அதை அமமுக ஏற்றுக் கொள்ள வாய்ப்பே இல்லை. 10 நாட்கள் கெடு முடிந்தது செங்கோட்டையனின் விஷயம். அதற்கு அவர் பதில் அளிப்பார். எடப்பாடி பழனிசாமி டெல்லி செல்வது குறித்து அவரிடம் தான் கேட்க வேண்டும். இவ்வாறு அவர் கூறினார்.
