வறட்டு இருமலை போக்கும் வாழைத்தண்டு

நன்றி குங்குமம் தோழி

முக்கனிகளுள் ஒன்றான வாழையின் அனைத்து பாகங்களும் உடலின் பல்வேறு பிரச்சனைகளை சரிசெய்யும் அளவில் சத்துக்களை உள்ளடக்கியுள்ளது. குறிப்பாக வாழைத்தண்டு பல நோய்களுக்கு மகத்தான மருந்தாக இருப்பது நம்மில் பலருக்குத் தெரியும்.

*வாழைத்தண்டு நார்ச்சத்து மிக்கது. இது குடலில் சிக்கிய மணல், கற்களை நீக்கும் வல்லமை கொண்டது.
*சிறுநீர் பிரச்னையுள்ளவர்கள் வாழைத்தண்டு சாறு சாப்பிட்டால் சிறுநீர் தாராளமாகப் பிரியும். மலச்சிக்கலைப் போக்கும். நரம்புச் சோர்வை நீக்கும்.
*வாழைத்தண்டு சாற்றை இரண்டு அல்லது மூன்று அவுன்ஸ் வீதம் தினமும் குடித்து வந்தால், அடிக்கடி வரும் வறட்டு இருமல் நீங்கும்.
*வாழையின் உள் தண்டை சிறுசிறு துண்டுகளாக்கி, நாரினை நீக்கி சமைத்து உண்ண, சிறுநீர் பாதைகளில் ஏற்படும் கல் அடைப்பு நீங்கும். உடல் சூடு தணியும். சீதபேதி மற்றும் தாகம் தணியும்.
*வாழைத்தண்டை உலர்த்திப் பொடி செய்து அத்துடன் தேன் சேர்த்துச் சாப்பிட்டு வர காமாலை நோய் குணமாகும்.
*வாழைத்தண்டிலிருந்து வரும் நீரைத் தடவத் தேள், பூரான் ஆகியவற்றின் கடியினால் ஏற்படும் வலி குறையும். கோழைக்கட்டு ஆகியவை இளகும்.
*நல்ல பாம்பு கடிக்கு வாழைத்தண்டுச் சாற்றை ஒரு டம்ளர் வீதம் உள்ளுக்குள் கொடுத்தால் விஷம் தானாக இறங்கிவிடும்.
*வாழைத்தண்டைச் சுட்டு, அதன் சாம்பலைத் தேங்காய் எண்ணெயில் குழப்பி தடவி வர தீப்புண்கள், சீழ்வடிதல் மற்றும் காயங்கள் விரைவில் குணமாகும்.
*வாழைப்பூ சாற்றுடன் கடுக்காயைச் சேர்த்து அருந்த மூலநோய், ஆசனக்கடுப்பு நீங்கும். கை, கால் எரிச்சல், வெள்ளைப்படுதல், மாதவிலக்கின்போது ஏற்படும் வலி ஆகியவை விலகும். வாழைப்பூ சாற்றுடன் பனங்கற்கண்டு சேர்த்தும் பருகலாம்.

தொகுப்பு : ஆர்.கீதா ரவி, சென்னை.

முட்டை கோஸின் மருத்துவ குணம்

*முட்டைக்கோஸில் பத்துக்கும் மேற்பட்ட தாது உப்புகளும், ஐந்து வைட்டமின்களும் உள்ளன.
*ஐம்பது கிராம் முட்டைக்கோஸ் சாற்றை தக்காளி சாறுடன் தினமும் காலையில் அருந்தி வர கண் பார்வை தெளிவு பெறும். வயிற்றுப்புண் குணமாகும்.
*மதிய உணவில் முட்டைக்கோஸ் பச்சடி சாப்பிடுவது உடலுக்கு ஆரோக்கியம் அளிக்கும்.
*இதில் உள்ள ‘நியாசின்’ மூளை சுறுசுறுப்பாக இருக்கவும், இதயத் தசைகள் சீராக இயங்க செய்யும். ‘தயமின்’ வைட்டமினும் ‘பிட்டீஸ்’ என்ற ரசாயனப்
பொருள் நுரையீரல் புற்றுநோய் வராமல் தடுக்கிறது.