இயக்குனர் ஷங்கர் மகன் ஹீரோ ஆகிறார்

சென்னை: இயக்குனர் ஷங்கரின் மகன் அர்ஜித், ஹீரோவாக அறிமுகம் ஆக உள்ளார். ஷங்கருக்கு இரண்டு மகள், ஒரு மகன். மூத்த மகள் ஐஸ்வர்யாவுக்கு திருமணம் முடிந்துவிட்டது. இரண்டாவது மகள் அதிதி, விருமன் படத்தில் ஹீரோயினாக அறிமுகம் ஆகிறார். இதில் கார்த்தி நடித்து வருகிறார். மகன் அர்ஜித், டைரக்‌ஷன் பயிற்சி பெற்றிருக்கிறார். இந்நிலையில் அவர் நடிப்பு பயிற்சியும் தற்போது பெற்று வருகிறாராம். விரைவில் மகனை ஹீரோவாக்க ஷங்கர் முடிவு செய்துள்ளார். 2004ம் ஆண்டு ஷங்கர் தயாரிப்பில் பாலாஜி சக்திவேல் இயக்கிய படம் காதல். இதன் இரண்டாம் பாகம் உருவாக உள்ளது. இதில்தான் அர்ஜித் ஹீரோவாக அறிமுகமாக உள்ளாராம். இது குறித்த அறிவிப்பு விரைவில் வெளியிடப்படும் என பட வட்டாரம் தெரிவித்துள்ளது.