சென்னை: தமிழக அரசு அலுவலகங்கள் 2021ம் ஆண்டு ஜனவரி 1ம் தேதி முதல் வாரத்தில் 5 நாட்கள் மட்டுமே இங்கும் என்று தலைமை செயலாளர் உத்தரவிட்டுள்ளார்.இதுகுறித்து தமிழக தலைமை செயலாளர் சண்முகம் நேற்று வெளியிட்டுள்ள அரசாணையில் கூறி இருப்பதாவது:கொரோனா தொற்று ஊரடங்கு காலத்தில் தமிழக அரசு அலுவலகங்கள் 50 சதவீத ஊழியர்களுடன் வாரத்தில் 6 நாட்கள் பணியாற்ற வேண்டும் என்று உத்தரவிடப்பட்டது. அதன்பிறகு, 100 சதவீத ஊழியர்களுடன் கடந்த செப்டம்பர் 1ம் தேதி முதல் தமிழக அரசு அலுவலகங்கள் இயங்க உத்தரவிடப்பட்டது.
இந்நிலையில் தற்போது உள்ளபடி 100 சதவீத ஊழியர்களுடன் வாரத்தில் 5 நாட்கள் மட்டுமே அரசு அலுவலகங்கள் இயங்கும். இதற்கு ஏதுவாக ஏற்கனவே பிறப்பித்த உத்தரவில் மாற்றம் செய்யப்பட்டுள்ளது. இந்த உத்தரவு 2021ம் ஆண்டு ஜனவரி 1ம் தேதி முதல் அமலுக்கு வரும். இவ்வாறு அதில் கூறப்பட்டுள்ளது.
2021ம் ஆண்டு ஜனவரி 1ம் தேதி முதல் அரசு அலுவலகங்கள் வாரம் 5 நாட்கள் இயங்கும்: தமிழக தலைமை செயலாளர் உத்தரவு
01:57 am Oct 25, 2020 |
