பாலாஜி முருகதாஸ் நடிக்கும் ‘கொடூரா’

மனிதனை மனிதனாக பார்க்க வேண்டும். அந்த மனிதனை நேசிக்க வேண்டுமே தவிர, யாரையும் மனித தன்மையற்றவர்களாக பார்க்க கூடாது என்ற கருத்தை மையமாக வைத்து உருவாகும் படம், ‘கொடூரா’. யாஸ் எண்டர்டெயின்மெண்ட் தயாரிக்க, சார்லஸ் ஆனந்த் இயக்குகிறார். ‘வா வரலாம் வா’, ‘ஃபயர்’ ஆகிய படங்களில் ஹீரோவாக நடித்திருந்த பாலாஜி முருகதாஸ் ஹீரோவாக நடிக்க, நிஷா ஹீரோயினாக நடிக்கிறார்.

வில்லனாக இலியாஸ் மற்றும் ‘வாழை’ ஜானகி, பேபி தீக்‌ஷிதா சந்தோஷ் குமார், முத்துக்குமார், அரோரா, டி.எம்.கார்த்திக், திருக்குறளி, டாக்டர் திவாகர் நடிக்கின்றனர். விஜய் வெங்கட் ஒளிப்பதிவு செய்ய, சவுகத் அலி இசை அமைக்கிறார். வ.கருப்பன் பாடல்கள் எழுத, ஸ்பீட் மோகன் சண்டைப் பயிற்சி அளிக்கிறார். கதை, திரைக்கதை, வசனம் எழுதிஆர்.சார்லஸ் ஆனந்த் இயக்குகிறார். காரைக்கால், தரங்கம்பாடி ஆகிய பகுதிகளில் படப்பிடிப்பு நடந்து வருகிறது.