- குஷ்பு
- அனந்திதா
- சென்னை
- அஸ்வின் கந்தசாமி
- சந்தோஷ்
- சம்யுக்தா விஸ்வநாதன்
- ரேஷ்மா வெங்கடேஷ்
- வினோத் கிஷன்
- விடிவி கணேஷ்
- பக்ஸ்
- குஷ்பு சுந்தர்
- அவ்னி திரைப்படங்கள்
- ஏசிஎஸ்
- அருன் குமார்
- பென்ஸ் மீடியா
- சாந்தகுமார் சக்கரவர்த்தி
- சாம் சிஎஸ்
- அனந்திதா சுந்தர்
- சுந்தர். சி

சென்னை: அஸ்வின் கந்தசாமி எழுதி இயக்கியுள்ள படம், ‘டபுள் ஆக்குபன்சி’. சந்தோஷ், சம்யுக்தா விஸ்வநாதன், ரேஷ்மா வெங்கடேஷ், வினோத் கிஷன், விடிவி கணேஷ், பக்ஸ் நடித்துள்ளனர். அவ்னி மூவிஸ் சார்பில் குஷ்பு சுந்தர், பென்ஸ் மீடியா சார்பில் ஏ.சி.எஸ்.அருண் குமார் இணைந்து தயாரித்துள்ளனர். சாந்தகுமார் சக்ரவர்த்தி ஒளிப்பதிவு செய்ய, சாம் சி.எஸ் இசை அமைத்துள்ளார். சுந்தர்.சி, குஷ்பு தம்பதியின் இளைய மகள் அனந்திதா சுந்தர் கிரியேட்டிவ் தயாரிப்பாளராக அறிமுகமாகிறார்.
படம் குறித்து அவர் கூறியதாவது: காதல், கற்பனை, அடையாளம் குறித்த சமகால சிந்தனைகளை உள்ளடக்கிய படமான இது, வழக்கமான தமிழ் படங்களின் கதைசொல்லல் எல்லைகளை தாண்டி ரசிகர்களுக்கு புது அனுபவத்தை கொடுக்கும். எனது சகோதரி அவந்திகா, ‘ஆரம்பம்’ என்ற மலையாள படத்தில் ஹீரோயினாக அறிமுகமாகிறார். தமிழில் 2 படங்களில் நடிக்கிறார். சிறுவயதில் இருந்தே எனது பெற்றோர்களை பார்த்து வளர்ந்ததால், திரைப்படம் சம்பந்தமான விஷயங்களில் அதிக ஆர்வம் ஏற்பட்டது.
‘டபுள் ஆக்குபன்சி’ படத்தின் கிரியேட்டிவ் தயாரிப்பாளரான நான், சுந்தர்.சி இயக்கத்தில் விஷால் நடிக்கும் ‘புருஷன்’, நயன்தாரா நடிக்கும் ‘மூக்குத்தி அம்மன் 2’ ஆகிய படங்களில் மார்க்கெட்டிங் மற்றும் விளம்பர துறையில் பணியாற்றுகிறேன். முன்னதாக, இயக்குனர் மணிரத்னம் டீமில் பணியாற்றினேன்.

