இன்றைய காதலை சொல்லும் பிரேக்‌ பாஸ்ட்

சென்னை: ராணவ், ரோஸ்மின், சம்பத் ராஜ், கஸ்தூரி, அர்ச்சனா, கிரித்திக் மோகன், அமிதா ரங்கநாத், சி.ரங்கநாதன், ரவிமரியா, பாலாஜி சக்திவேல் நடித்துள்ள படம், ‘பிரேக் பாஸ்ட்’. ஏ.ஆர்.காந்தி கிருஷ்ணா எழுதி இயக்கியுள்ளார். ஜி.வி.பிரகாஷ் குமார் இசை அமைக்க, எம்.வி.பன்னீர்செல்வம் ஒளிப்பதிவு செய்துள்ளார். பிரேம் கிளாசிக் பிக்சர்ஸ் சார்பில் கிரிஜா வரதராஜ், கே.வி.தினேஷ் குமார் இணைந்து தயாரித்துள்ளனர். படம் குறித்து ஏ.ஆர்.காந்தி கிருஷ்ணா கூறுகையில், ‘‘தமிழ், தெலுங்கு, கன்னடம் ஆகிய மொழிகளில் விரைவில் திரைக்கு வருகிறது. இன்றைய காதல் எப்படி இருக்கிறது, இளம் தலைமுறை அதை எப்படி பார்க்கிறது, பிரிவை எப்படி எடுத்துக்கொள்கிறது என்பதை பற்றி படம் பேசுகிறது’ என்றார். படத்தில் ஐரோப்பிய நாடு மற்றும் பனிப்பொழிவு முக்கிய பங்கு வகிக்கிறது. இன்றைய காதல் பிரச்னை மற்றும் பிரிவுகளுக்கு தீர்வோ அல்லது அறிவுரையோ சொல்லவில்லை. யதார்த்த வாழ்க்கையை அப்படியே ஏற்றுக்கொள் என்று சொல்வதுதான் மையக்கரு’ என்றார்.