நித்திரவிளை, ஜன.8: கொல்லங்கோடு அருகே தேவஞ்சேரி வடக்கே தோப்பு பகுதியை சேர்ந்தவர் சுமித்லால் (37), புராஜெக்ட் சம்மந்தமான பணிகள் செய்து வருகிறார். தற்போது பெரியம்மா பராமரிப்பில் உள்ளார். இந்நிலையில் இவரது சொத்தை அபகரிக்கும் நோக்கில் இதே ஊரை சேர்ந்த பிரதீப்குமார் என்பவர் சம்பவத்தன்று இரவு 10.30 மணியளவில் சுமித்லால் தங்கியிருந்த வீட்டினுள் புகுந்துள்ளார். அவர் சுமித்லாலை தென்னை மட்டையால் தாக்கி இரத்த காயம் ஏற்படுத்தி, கொலையாளி மிரட்டல் விடுத்துள்ளார். இது சம்பந்தமாக சுமித்லால் கொடுத்த புகாரின் பேரில் கொல்லங்கோடு போலீசார் பிரதீப் குமார் மீது வழக்கு பதிவு செய்து விசாரித்து வருகின்றனர்.
The post கொல்லங்கோடு அருகே வாலிபர் மீது தாக்குதல் appeared first on Dinakaran.
