திருப்பூர், ஜன.7: திருப்பூர் நஞ்சராயன் நகர் 5வது வீதியை சேர்ந்தவர் திருப்பதி (23). இவருக்கும் இவருடைய உறவுக்கார பெண்ணான லோகேஸ்வரி (எ) கொண்டார்தாளுக்கும் (19) கடந்த 2 ஆண்டுகளுக்கு முன்பு திருமணம் நடைபெற்றுள்ளது. இவர்களுக்கு குழந்தை உள்ளது. இந்நிலையில் அடிக்கடி இருவருக்கும் இடையே குடும்பத்தகராறு ஏற்பட்டு வந்தது. இதனால் லோகேஸ்வரி கோபித்துக்கொண்டு திருச்சியிலிருக்கும் தனது தாய் வீட்டில் வசித்து வந்தார்.
கடந்த இரண்டு மாதங்களுக்கு முன்பு மீண்டும் லோகேஸ்வரி தனது கணவர் திருப்பதியுடன் சேர்ந்து வாழ்வதாக கூறி திருப்பூர் வந்தார். இந்நிலையில், நேற்று திருப்பதி வேலைக்கு சென்றுவிட்ட நிலையில் வீட்டில் தனியாக இருந்த லோகேஸ்வரி தூக்கிட்டு தற்கொலை செய்து கொண்டார்.
இது குறித்து அனுப்பர்பாளையம் போலீசாருக்கு தகவல் தெரிவிக்கப்பட்டது. தகவலறிந்து சம்பவ இடத்திற்கு வந்த போலீசார் உடலை மீட்டு பிரேத பரிசோதனைக்காக திருப்பூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். மேலும் இது குறித்து வழக்குப்பதிவு செய்து விசாரணை நடத்தி வருகின்றனர். திருமணமாகி 7 ஆண்டுகளுக்குள் இருப்பதால் ஆர்டிஓ விசாரணைக்கு உத்தரவிடப்பட்டுள்ளது.
The post பெண் தூக்கிட்டு தற்கொலை: போலீசார் விசாரணை appeared first on Dinakaran.
