நாராயண்பூர்: சட்டீஸ்கரின் பஸ்தார் வனப்பகுதியில் பாதுகாப்புப் படையினருடன் நடந்த என்கவுன்டரில் நான்கு நக்சல்கள் சுட்டுக் கொல்லப்பட்டனர். சட்டீஸ்கர் மாநிலம் நாராயண்பூர் மற்றும் தண்டேவாடா மாவட்டங்களின் எல்லையில் தெற்கு அபுஜ்மாத் காட்டில் நேற்று மாலை பதுங்கியிருந்த நக்சல் கும்பலுக்கும், பாதுகாப்பு படையினருக்கும் ஏற்பட்ட துப்பாக்கி சண்டை மோதலில் தலைமைக் காவலர் சன்னு கரம் உயிரிழந்தார்.
பாதுகாப்புப் படையினர் நடத்திய என்கவுன்டரில் நான்கு நக்சல்கள் சுட்டுக் கொல்லப்பட்டனர். அவர்களின் உடல்கள் நேற்றிரவு மீட்கப்பட்டன. அவர்களிடம் இருந்து ஏ.கே.-47 ரக துப்பாக்கி மற்றும் எஸ்.எல்.ஆர். ரக துப்பாக்கி உள்ளிட்ட ஆயுதங்கள் சம்பவ இடத்தில் இருந்து மீட்கப்பட்டன. என்கவுன்டரை தொடர்ந்து அந்தப் பகுதியில் தேடுதல் பணி தொடர்ச்சியாக நடைபெற்று வருகிறது.
The post சட்டீஸ்கர் வனப்பகுதியில் 4 நக்சல்கள் சுட்டுக் கொலை: தலைமை காவலர் மரணம் appeared first on Dinakaran.
