மேட்டுப்பாளையம், ஜன.5: மேட்டுப்பாளையத்தை அடுத்துள்ள சிறுமுகை ஜடையம்பாளையம் தாளனூர் பகுதியைச்சேர்ந்தவர் வெள்ளியங்கிரி (63). இவர், தனது விவசாய நிலத்தில் பசு மாடு ஒன்றை வளர்த்து அதன் மூலம் பால் கறந்து விற்பனையும் செய்து வருகிறார். நேற்று முன்தினம் பசு மாட்டை மேய்ச்சலுக்கு கொண்டு சென்று விட்டு மீண்டும் கொட்டகையில் கட்டி விட்டு தூங்க சென்றார். மறுநாள் எழுந்து பார்த்த போது பசுமாடு திருடு போனது தெரியவந்தது. இதுகுறித்து அவர் அளித்த புகாரின் பேரில் சிறுமுகை போலீசார் வழக்குப்பதிந்து விசாரித்து வந்தனர். விசாரணையில், நீலகிரி மாவட்டம் நடுவட்டம் பகுதியை சேர்ந்த கமாலுதீன்(50) மற்றும் கோத்தகிரி இடுகொறை அட்டி பகுதியை சேர்ந்த ஜெயக்குமார் (31) ஆகிய இருவரும் பசு மாட்டினை திருடியது தெரியவந்தது. இதனையடுத்து அவர்களை கைது செய்த போலீசார் நேற்று நீதிமன்றத்தில் ஆஜர்படுத்தி கோவை சிறையில் அடைத்தனர்.
The post ஜடையம்பாளையத்தில் பசுமாட்டை திருடிய 2 பேர் கைது appeared first on Dinakaran.
