திருவள்ளூர், நவ.17: திருவள்ளூர் குளக்கரை அருகே உள்ள துணை மின் நிலையத்தில் இலுப்பூர் பகுதியை சேர்ந்த யுவராஜ் (23), உதவியாளராக பணிபுரிந்து வருகிறார். இவர், அடிக்கடி மது மற்றும் கஞ்சா போதையில் வந்து சக ஊழியர்களிடம் தகராறில் ஈடுபட்டு வந்துள்ளார். கடந்த ஒரு மாதத்திற்கு முன்பு சக ஊழியரை தாக்கிய சம்பவத்தில் யுவராஜ் மீது எந்த நடவடிக்கையும் எடுக்காமல் பாதிக்கப்பட்ட ஊழியரை பெரியபாளையம் மின்வாரியத்துக்கு பணியிட மாற்றம் செய்துள்ளனர்.
இந்நிலையில் நேற்று முன்தினம் இரவு மதுபோதையில் இருந்த யுவராஜ், சக பணியாளரான எம்ஜிஆர் நகர் பகுதியை சேர்ந்த ஞானபிரகாசத்தை சரமாரி தாக்கியுள்ளார். பலத்த காயமடைந்த அவர், திருவள்ளூர் அரசு மருத்துவமனையில் சேர்க்கப்பட்டுள்ளார். அங்கும் கூச்சலிட்டபடி மின் இணைப்பு செல்லும் பெட்டியை காலால் எட்டி உதைத்து ரகளையில் ஈடுபட்டுள்ளார். தகவலறிந்து வந்த போலீசார் விசாரணை நடத்தி வருகின்றனர்.
The post மின்வாரிய ஊழியர்களை தாக்கிய போதை ஊழியர் appeared first on Dinakaran.
