×

தேமுதிக செயற்குழு, பொதுக்குழு கூட்டம் வரும் 14ஆம் தேதி சென்னையில் நடைபெறும்: தேமுதிக தலைமை அறிவிப்பு

சென்னை: தேமுதிக செயற்குழு, பொதுக்குழு கூட்டம் வரும் 14ம் தேதி சென்னையில் நடைபெறும் என தேமுதிக தலைமை அறிவித்துள்ளது. இது குறித்து அக்கட்சி தலைமை வெளியிட்டுள்ள அறிக்கையில் கூறியதாவது, தேசிய முற்போக்கு திராவிட கழகத்தின் தலைமை செயற்குழு மற்றும் பொதுக்குழுக் கூட்டம் வருகின்ற 14.12.2023 வியாழக்கிழமை காலை 8.45 மணியளவில், சென்னை, திருவேற்காட்டில் உள்ள GPN பேலஸ் திருமண மண்டபத்தில் நடைபெற உள்ளது.

அதில் தேமுதிக நிறுவனத்தலைவர், பொதுச்செயலாளர் கேப்டன் விஜயகாந்த் கலந்து கொள்கிறார். மேலும் கழக பொருளாளர். பிரேமலதா விஜயகாந்த் கழகத்தின் ஆக்கப் பணிகள் குறித்தும், எதிர்கால திட்டங்கள் குறித்தும் கலந்து ஆலோசித்து சிறப்புரை ஆற்றவுள்ளார்கள். இக்கூட்டத்தில் தலைமை கழக நிர்வாகிகள், கழக உயர்மட்டக்குழு உறுப்பினர்கள், தேர்தல் பணி குழு செயலாளர்கள், கழக அணி செயலாளர்கள், கழக அணி துணை செயலாளர்கள்.

மாவட்ட கழக செயலாளர்கள், முன்னாள் சட்டமன்ற உறுப்பினர்கள், தலைமை செயற்குழு உறுப்பினர்கள், பொதுக்குழு உறுப்பினர்கள், ஒன்றிய கழக செயலாளர்கள், நகர கழக செயலாளர்கள், பகுதி கழக செயலாளர்கள், பேரூராட்சி கழக செயலாளர்கள், மற்றும் புதுச்சேரி, கர்நாடகம், கேரளா, ஆந்திரா, மகாராஷ்டிரா, டில்லி, அந்தமான் ஆகிய மாநில கழக செயலாளர்களும் இப்பொதுக்குழு கூட்டத்தில் தவறாமல் கலந்து கொள்ள வேண்டுமென கேட்டுக்கொள்ளப்படுகிறார்கள். இவ்வாறு குறிப்பிடப்பட்டுள்ளது.

The post தேமுதிக செயற்குழு, பொதுக்குழு கூட்டம் வரும் 14ஆம் தேதி சென்னையில் நடைபெறும்: தேமுதிக தலைமை அறிவிப்பு appeared first on Dinakaran.

Tags : DMD Working Committee ,Assembly ,Chennai ,DMD ,DMUDIK ,DMUDIK executive committee ,DMK Executive Committee ,DMK ,Dinakaran ,
× RELATED தமிழக சட்டப்பேரவை நிகழ்வுகள் தொடங்கியது