டெல்லி: தனிமனித வளர்ச்சியின் மூலம் மட்டுமே தேசத்தை கட்டியெழுப்ப முடியும்என்று பிரதமர் நரேந்திர மோடி தெரிவித்துள்ளார். வளர்ச்சி அடைந்த இந்தியா @2047 இளைஞர்களின் குரல்’ திட்டத்தை பிரதமர் மோடி தொடங்கி வைத்தார். பின்னர் உரையாற்றிய பிரதமர், வளர்ந்த இந்தியாவின் தீர்மானங்கள் தொடர்பான மிக முக்கியமான நாள் இன்று. வளர்ந்த இந்தியாவைக் கட்டியெழுப்புவது தொடர்பான இந்த பயிலரங்கை ஏற்பாடு செய்த அனைத்து ஆளுநர்களையும் நான் வாழ்த்த விரும்புகிறேன். நாட்டின் இளைஞர் சக்திக்கு வழிகாட்டும் பொறுப்பில் உள்ளவர்களை ஒரே மேடையில் கொண்டு வந்துள்ளீர்கள்.
கல்வி நிறுவனங்களின் பங்கு தனிமனிதர்களை வளர்ப்பதாகும், தனிமனித வளர்ச்சியின் மூலம் மட்டுமே தேசத்தை கட்டியெழுப்ப முடியும். இந்தியா இருக்கும் இன்றைய காலகட்டத்தில், ஆளுமை வளர்ச்சிக்கான பிரச்சாரம் மிகவும் முக்கியத்துவம் வாய்ந்ததாக மாறியுள்ளது என்று கூறினார். தொடர்ந்து பேசிய பிரதமர், இந்திய வரலாற்றில் நாடு குவாண்டம் ஜம்ப் எடுக்கப்போகும் காலகட்டம் இது. இப்படி குவாண்டம் ஜம்ப் எடுத்து தம்மைத் தாங்களே வளர்த்துக் கொண்ட பல நாடுகள் நம்மைச் சுற்றிலும் உதாரணங்கள் உள்ளன.
அதனால்தான் இந்தியாவிற்கு இது சரியான நேரம் என்று நான் கூறுகிறேன். இந்த அழியாத காலத்தின் ஒவ்வொரு கணத்தையும் நாம் பயன்படுத்திக் கொள்ள வேண்டும். ஒரு கணத்தை கூட இழக்கக்கூடாது. இன்று ஒவ்வொரு நபரும், ஒவ்வொரு நிறுவனமும், நான் எதைச் செய்தாலும் அது வளர்ந்த இந்தியாவுக்காக இருக்க வேண்டும் என்ற உறுதிமொழியுடன் முன்னேற வேண்டும். உங்கள் இலக்குகள் மற்றும் உங்கள் தீர்மானங்களின் கவனம் வளர்ந்த இந்தியாவில் மட்டுமே இருக்க வேண்டும் என்று தெரிவித்தார்.
The post கல்வி நிறுவனங்களின் பங்கு தனிநபர்களை உருவாக்குவது; தனிமனித வளர்ச்சியின் மூலம் மட்டுமே தேசத்தை கட்டியெழுப்ப முடியும்: பிரதமர் நரேந்திர மோடி பேச்சு appeared first on Dinakaran.
