ஆசிய விளையாட்டு போட்டியில் இதுவரை 71 பதக்கங்கள்…வரலாற்றில் அதிகபட்ச பதக்கங்களை வென்று சாதனை படைத்த இந்தியா!!

பெய்ஜிங் : ஆசிய விளையாட்டு போட்டி வில்வித்தை கலப்பு இரட்டையரில் இந்தியா தங்கப் பதக்கம் வென்றது. 19-வது ஆசிய விளையாட்டு போட்டி சீனாவின் ஹாங்சோவ் நகரில் நடந்து வருகிறது. இதில் 45 நாடுகளை சேர்ந்த 12,400 வீரர், வீராங்கனைகள் பங்கேற்றுள்ளனர்.இந்நிலையில், இன்று நடைபெற்ற 35 கிலோமீட்டர் நடை ஓட்டம் கலப்பு அணியில் இந்தியாவின் ராம் பாபு, மஞ்சுராணி ஆகியோர் வெண்கலப் பதக்கம் பெற்றனர். சீனா தங்கமும் ஜப்பான் வெள்ளியும் வென்றது.

இதைத் தொடர்ந்து, வில்வித்தை கலப்பு இரட்டையர் காம்பவுண்ட் பிரிவில் இந்திய அணி தங்கப் பதக்கம் வென்றது. ஜோதி சுரேகா வெண்ணாம், பிரவீன் ஓஜஸ் ஆகியோர் 159-158 என்ற புள்ளிக் கணக்கில் கொரியாவை வீழ்த்தினர். இந்திய அணி இதுவரை 16 தங்கம், 26 வெள்ளி, 29 வெண்கலம் என மொத்தம் 71 பதக்கங்களைப் பெற்றுள்ளது.ஆசிய விளையாட்டு போட்டிகளில் இந்திய அணி வென்ற அதிகபட்ச பதக்கங்கள் இதுவாகும். இதற்கு முன்னர் கடந்த 2018ம் ஆண்டு நடந்த ஆசிய போட்டியில் இந்திய அணி 70 பதக்கங்கள் வென்றதே அதிகபட்ச பதக்கமாகும். மேலும் புள்ளி பட்டியலில் தொடர்ந்து 4வது இடத்தில் இந்தியா நீடிக்கிறது.

The post ஆசிய விளையாட்டு போட்டியில் இதுவரை 71 பதக்கங்கள்…வரலாற்றில் அதிகபட்ச பதக்கங்களை வென்று சாதனை படைத்த இந்தியா!! appeared first on Dinakaran.