சென்னை: தங்கம் விலை தொடர்ந்து ஒரு வாரத்தில் சவரனுக்கு ரூ.1048 குறைந்துள்ளது. தங்கம் விலை கடந்த 2 மாதமாக ஏற்றம், இறக்கத்துடன் காணப்பட்டு வருகிறது. சில சமயங்களில் அதிரடியாக உயர்வதும் வாடிக்கையாக இருந்து வருகிறது. இந்நிலையில் நேற்று தங்கம் விலை அதிரடியாக சரிவை சந்தித்தது. அதாவது கிராமுக்கு ரூ.70 குறைந்து ஒரு கிராம் ரூ.5,410க்கும், சவரனுக்கு ரூ.560 குறைந்து ஒரு சவரன் ரூ.43,280க்கும் விற்கப்பட்டது.
இந்த நிலையில் நேற்றும் தங்கம் விலை மேலும் குறைந்தது. நேற்று தங்கம் விலை கிராமுக்கு ரூ.20 குறைந்து ஒரு கிராம் ரூ.5,390க்கும், சவரனுக்கு ரூ.160 குறைந்து ஒரு சவரன் ரூ.43,120க்கும் விற்கப்பட்டது. தொடர்ச்சியாக ஒரு வாரத்தில் தங்கம் விலை சவரனுக்கு ரூ.1,048 வரை குறைந்துள்ளது. தொடர் விலை குறைவு நகை வாங்குவோருக்கு மகிழ்ச்சியை ஏற்படுத்தியுள்ளது. அதே நேரத்தில் ஏராளமானோர் நகை வாங்க ஆர்வம் காட்டி வருவதாக கூறப்படுகிறது.
The post தங்கம் விலை 1 வாரத்தில் சவரன் ரூ.1,048 குறைந்தது appeared first on Dinakaran.
