பார்படோஸ்: மேற்கிந்தியத் தீவுகள் கிரிக்கெட் அணியின் ஜாம்பவான் சர் கார்பீல்ட் சோபர்ஸ் (89) காலமானார். 1968-ல் நடைபெற்ற முதல் தர கிரிக்கெட் போட்டியின் ஒரே ஓவரில் 6 சிக்ஸர்கள் விளாசிய சோபர்ஸ்க்கு, சர்வதேச கிரிக்கெட் வீரர்கள் இரங்கல் தெரிவித்து வருகின்றனர்.
கிரிக்கெட் விளையாடியவர்களிலேயே மிகச்சிறந்த ஆல்ரவுண்டராகவும், மிகவும் திறமை வாய்ந்த வீரராகவும் பலரால் பரவலாகக் கருதப்படும் சோபர்ஸ், ஒரு டெஸ்ட் பேட்ஸ்மேனாகச் சிறந்து விளங்கினார்; அவரால் இடது கை வேகப்பந்துடன், ஆர்த்தடாக்ஸ் மற்றும் ஆப் ஸ்பின் வீச முடிந்தது. மேலும், அவர் ஒரு மிகச்சிறந்த ஃபீல்டராகவும் அறியப்பட்டவர்.ஜாம்பவான் டொனால்ட் பிராட்மேன், சோபர்ஸ்-ஐ மிகசிறந்த கிரிக்கெட்டர் என வர்ணித்துள்ளார்.
1954 முதல் 1974 வரையிலான காலகட்டத்தில் வெஸ்ட் இண்டீஸ் அணிக்காக 93 டெஸ்ட் போட்டிகளில் விளையாடிய சோபர்ஸ் 8,032 ரன்களையும், 235 விக்கெட்டுகளையும் வீழ்த்தினார். மேலும், 1965 முதல் 1972 வரை வெஸ்ட் இண்டீஸ் அணியின் கேப்டனாகவும் செயல்பட்ட அவர், 39 டெஸ்ட் போட்டிகளில் 9 வெற்றிகளையும் 10 தோல்விகளையும் பதிவு செய்தார்.
ஆண்கள் கிரிக்கெட்டில் ஐசிசி (ICC) வழங்கும் மிக உயரிய வருடாந்திர விருதான ‘சர் கார்பீல்ட் சோபர்ஸ் விருது’ இவரது பெயரிலேயே வழங்கப்படுகிறது; சர்வதேச ஆண்கள் கிரிக்கெட்டின் அனைத்து வடிவங்களிலும் மிகச் சிறந்த ஒட்டுமொத்த ஆட்டத்திறனை வெளிப்படுத்தும் வீரரை இவ்விருது அங்கீகரிக்கிறது. மேலும் சோபர்ஸ்க்கு மறைவுக்கு சர்வதேச கிரிக்கெட் வீரர்கள் இரங்கல் தெரிவித்து வருகின்றனர்.
