டெல்லி: ரஷ்யாவில் இருந்து இந்தியா இறக்குமதி செய்யும் கச்சா எண்ணெய் அளவு 3 ஆண்டுகளில் இல்லாத அளவு குறைந்துள்ளது. 2025 டிசம்பரில் இந்தியா 2.7 பில்லியன் டாலர் அளவுக்கு மட்டுமே ரஷ்யாவிடம் இருந்து கச்சா எண்ணெய் இறக்குமதி செய்துள்ளது. கடந்த 38 மாதங்களில் ரஷ்யாவிடம் இருந்து இந்தியா பெற்ற கச்சா எண்ணெய் அளவில் இதுவே மிகக் குறைவானது. இந்தியாவின் மொத்த கச்சா எண்ணெய் இறக்குமதியில் 34%ஆக நவம்பரில் இருந்த அளவு, டிசம்பரில் 25%க்குக் கீழ் குறைந்தது.
ஒரே மாதத்தில் ரஷ்ய எண்ணெய் இறக்குமதியை 1 பில்லியன் டாலர் அளவுக்கு இந்தியா குறைத்தது தெரியவந்துள்ளது. அதே சமயம் அமெரிக்காவிடம் இருந்து இறக்குமதி செய்யப்படும் கச்சா எண்ணெய் அளவு ஒரே ஆண்டில் 34% உயர்ந்துள்ளது. அமெரிக்காவின் நிர்பந்தத்துக்கு பணிந்து, ரஷ்ய கச்சா எண்ணெய் இறக்குமதியை கணிசமாக இந்தியா குறைத்தது அம்பலமானது. ரஷ்ய கச்சா எண்ணெய் வாங்குவதை நிறுத்துவதாக இந்தியா ஒப்புக்கொண்டது என டிரம்ப் அறிவித்தது குறிப்பிடத்தக்கது.
