ஜகார்த்தா: இந்தோனேசியாவின் முக்கிய தீவான ஜாவாவிற்கும், சுலவேசி தீவுக்கும் இடையிலான மலைப் பகுதியை நெருங்கும் போது 11 பேரை ஏற்றிச் சென்ற பயணிகள் விமானம் திடீரென மாயமானது. இந்தோனேசிய விமானப் போக்குவரத்து நிறுவனத்தால் இயக்கப்படும் டர்போபிராப் ஏடிஆர் 42-500 யோக்யகர்த்தாவிலிருந்து தெற்கு சுலவேசியின் தலைநகருக்குச் செல்லும் வழியில், அது ரேடாரில் இருந்து மறைந்துவிட்டது. அந்த விமானத்தில் 11 பேர் பயணம் செய்தனர். தெற்கு சுலவேசி மாகாணத்தின் மலை மாவட்டமான மரோஸின் லியாங்-லியாங் பகுதியில் விமானம் கடைசியாக பிற்பகல் 01:17 மணிக்கு கண்காணிக்கப்பட்டது.
அதன்பின்னர் தரை கட்டுப்பாட்டுடன் தொடர்பை இழந்ததாக அதிகாரிகள் தெரிவித்தனர். இதை தொடர்ந்து தேடுதல் மற்றும் மீட்பு நடவடிக்கை எடுக்கப்பட்டது. விமானப்படை ஹெலிகாப்டர்கள், டிரோன்கள் மற்றும் தரைப்படை வீரர்களுடன் தேடுதல் பணி தொடங்கப்பட்டுள்ளது. இதற்கிடையே புலுசராங் மலையில் மலையேறுபவர்கள் சிதறிய குப்பைகள், இந்தோனேசிய விமானப் போக்குவரத்து அடையாளங்களுடன் பொருந்தக்கூடிய லோகோ மற்றும் சம்பவ இடத்தில் இன்னும் சிறிய தீ எரிந்து கொண்டிருப்பதாகக் கூறியதைத் தொடர்ந்து, மீட்பு குழுவினர் அங்கு அனுப்பி வைக்கப்பட்டதாக தெற்கு சுலவேசியின் ஹசனுதீன் ராணுவத் தளபதி மேஜர் ஜெனரல் பங்குன் நவோகோ கூறினார்.
